വൈദ്യുതി മുടക്കം: വലഞ്ഞ് പൈകയിലെ വ്യാപാരികൾ; ഇനിയും തുടർന്നാൽ സമരം

പൈകയിൽ വൈദ്യുതി മുടക്കം പതിവാകുന്നു. വ്യാപാര സ്ഥാപനങ്ങൾക്ക് ഇതുമൂലം വളരെയേറെ ബുദ്ധിമുട്ടുണ്ടാകുന്നു. ബേക്കറികളിലെ ഐസ്ക്രീം അലുത്ത്‌ പോയി നഷ്ടമുണ്ടാകുന്നു, പാൽ കേടായി പോകുന്നു. 

തയ്യൽ സ്ഥാപനങ്ങളിൽ അന്യസംസ്ഥാന തൊഴിലാളികൾക്ക്‌ ജോലി ചെയ്യാതെ തന്നെ ശമ്പളം കൊടുക്കേണ്ടി വരുന്നു. കൂടാതെ കടുത്ത ചൂടിൽ സ്ഥാപനങ്ങളിൽ ജോലി ചെയ്യുന്നവർ ബുദ്ധിമുട്ടുന്നു. 

ഇലക്ട്രിസിറ്റി ബോർഡിൻ്റെ ഈ അനാസ്ഥ ഒരിക്കലും അംഗീകരിക്കാനാവില്ല വൈദ്യുതി മുടക്കം ഇനിയും തുടർന്നാൽ സമര പരിപാടികളുമായി മുന്നോട്ട് പോകുമെന്ന് വ്യാപാരി വ്യവസായി ഏകോപന സമിതി പൈക യൂണിറ്റ് പ്രസിഡണ്ട് ജോണികുന്നപ്പള്ളിൽ പറഞ്ഞു.