ശ്രീനഗർ: ശ്രീനഗറിൽ പോലീസ് സംഘത്തിന് നേരെ നടന്ന തീവ്രവാദി ആക്രമണത്തിൽ രണ്ട് പോലീസുകാർക്ക് വീരമൃത്യു. നൗഗാമിലാണ് ആക്രമണം നടന്നത്. ആക്രമണത്തിൽ പരിക്കേറ്റ മൂന്ന് പോലീസുകാരിൽ രണ്ടു പേരാണ് ആശുപത്രിയിൽ വെച്ച് മരിച്ചത്.
നൗഗാം ബൈപാസിന് സമീപത്തു വെച്ചാണ് ഇവർക്ക് നേരെ തീവ്രവാദികൾ ആക്രമണം നടത്തിയത്. സംഭവത്തെ തുടർന്ന് പ്രദേശത്തേക്കുള്ള ഗതാഗതം നിരോധിച്ച് പരിശോധന തുടങ്ങി. കൂടുതൽ വിവരങ്ങൾ പുറത്തുവരുന്നതേയുള്ളൂവെന്നും കശ്മീർ സോൺ പോലീസ് പറയുന്നു.
സ്വാതന്ത്ര്യ ദിനം പ്രമാണിച്ച് കശ്മീരിൽ ജാഗ്രതാ നിർദ്ദേശം നിലനിൽക്കവേയാണ് ഇവിടെ ആക്രമണം നടന്നത്.
