ബാരാമുള്ള: ജമ്മു കാഷ്മീർ ബാരാമുള്ളയിൽ ഉണ്ടായ ഭീകരാക്രമണത്തിൽ മൂന്നു സുരക്ഷാ ഉദ്യോഗസ്ഥർ കൊല്ലപ്പെട്ടു. ക്രീരി ചെക്ക്പോസ്റ്റിൽ ഡ്യൂട്ടിയിലുണ്ടായിരുന്ന സിആർപിഎഫ്, ജമ്മു കാഷ്മീർ പോലീസ് സംയുക്ത സംഘത്തിനു നേരെ ഭീകരർ വെടിയുതിർക്കുകയായിരുന്നു. ആക്രമണത്തിനുശേഷം ഭീകരർ രക്ഷപ്പെട്ടു.
കാഷ്മീരിൽ സുരക്ഷാ സേനയ്ക്കു നേർക്ക് ഈയാഴ്ചയുണ്ടാകുന്ന മൂന്നാമത് ആക്രമണമാണിത്. ഓഗസ്റ്റ് പതിനാലിനു നൗഗാമിലുണ്ടായ ആക്രമണത്തിൽ രണ്ടു പോലീസുകാർ കൊല്ലപ്പെട്ടു. ബാരാമുള്ള-ശ്രീനഗർ ദേശീയപാതയിലും സൈന്യത്തിനു നേരെ ആക്രമണമുണ്ടായി. ആക്രമണത്തിന്റെ ദൃശ്യങ്ങൾ സി.സി.ടി.വിയിൽ പതിഞ്ഞിട്ടുണ്ട്.
