ഒറ്റപ്പാലം : ആനപ്രേമികളുടെ പ്രിയങ്കരൻ മംഗലാംകുന്ന് കർണൻ ചരിഞ്ഞു. ദേഹാസ്വാസ്ഥ്യത്തെ തുടർന്ന് പുലർച്ചെ രണ്ടരയോടെയായിരുന്നു അന്ത്യം. 65 വയസായിരുന്നു കർണന്. തൃശൂർ പൂരം ഉൾപ്പെടെയുള്ള മുൻനിര ഉത്സവങ്ങളിൽ വർഷങ്ങളോളം പങ്കെടുത്തിട്ടുണ്ട്.2019 മാര്ച്ചിലാണ് മംഗലാംകുന്ന് കര്ണന് അവസാനമായി ഉത്സവത്തില് പങ്കെടുത്തത്.
എഴുന്നള്ളത്ത് തുടങ്ങുംമുതല് തിടമ്പ് ഇറക്കുംവരെ ആത്മവിശ്വാസം തുളുമ്പുന്ന പ്രൗഢമായ നില്പാണ് കര്ണന്റെ പ്രത്യേകത. കൂടുതല് ഉയരമുള്ള ആനകള് കൂട്ടാനകളായെത്തുമ്പോള്പ്പോലും ഈ 'നിലവു'കൊണ്ടാണ് കര്ണന് ശ്രദ്ധേയനാവുന്നത്. ഉടല്നീളംകൊണ്ടും കര്ണനെ എളുപ്പം തിരിച്ചറിയാനാവും.
തലയെടുപ്പു മത്സര വേദികളിലും നിരവധി തവണ വിജയിച്ചു. മംഗലാംകുന്ന് പരമേശ്വരൻ, ഹരിദാസ് സഹോദരങ്ങളുടെ ഉടമസ്ഥതതയിലുള്ള ഗജവീരനാണു കർണൻ. സിനിമ താരങ്ങളുടേതു പോലെ സംസ്ഥാനത്തു ഫാൻസ് അസോസിയേഷനുകളുള്ള ഗജവീരനാണിത്.91 ല് വാരണാസിയില്നിന്നാണ് കര്ണന് കേരളത്തിലെത്തുന്നത്. വരുമ്പോള്ത്തന്നെ കര്ണന്റെ തലപ്പൊക്കം പ്രശസ്തമായിരുന്നു.
.jpg)
.jpg)
