കാവുംകണ്ടം: കാവുംകണ്ടം സൺഡേ സ്കൂളിന്റെയും ചെറുപുഷ്പ മിഷൻ ലീഗിന്റെയും സംയുക്താഭിമുഖ്യത്തിൽ ആഗസ്റ്റ് 14 ഞായറാഴ്ച രാവിലെ 9 30ന് കാവുംകണ്ടം പാരിഷ് ഹാളിൽ 75-ാം സ്വാതന്ത്ര്യദിനാഘോഷവും സർഗാരോഹണ തിരുനാൾ ആചരണവും നടത്തും.
9:30 ന് ഫാ. സ്കറിയ വേകത്താനത്തിന്റെ കാർമികത്വത്തിൽ ആഘോഷമായ പാട്ട് കുർബാന നടത്തും. അജോ വാധ്യാനത്തിൽ സമ്മേളനത്തിൽ അധ്യക്ഷത വഹിക്കും. തെരേസ് കൊന്നക്കൽ മുഖ്യപ്രഭാഷണം നടത്തും.
സ്വാതന്ത്ര്യ ദിനത്തോടനുബന്ധിച്ച് വിദ്യാർത്ഥികൾ ഇന്ത്യാ രൂപത്തിൽ അണിനിരക്കും. തുടർന്ന് ദേശഭക്തിഗാന മത്സരം, സ്വാതന്ത്ര്യദിന ക്വിസ്, സമ്മാനദാനം എന്നിവ നടത്തും.
സണ്ണി വാഴയിൽ, ജോയൽ ആമിക്കാട്ട്, ജോഹാൻ വലിയപറമ്പിൽ, ജെസ്ന കല്ലാച്ചേരിൽ, സെബിൻ താച്ചാർകുന്നേൽ, ദിയാ കല്ലറക്കൽ തുടങ്ങിയവർ പരിപാടികൾക്ക് നേതൃത്വം നൽകും.
