പാലാ: ബാലഗോകുലം ശ്രീകൃഷ്ണ ജയന്തി ബാലദിനമായി ആഘോഷിക്കുന്നു. ഇതിന്റെ ഭാഗമായി ജന്മാഷ്ടമി ദിനമായ ഓഗസ്റ്റ് 18 ന് വിവിധ ബാലഗോകുലങ്ങളുടെ നേതൃത്വത്തിൽ ശോഭായാത്ര നടക്കും.
ഇടയാറ്റ് ബാലഗണപതി ക്ഷേത്രത്തിൽ നിന്നും ഉച്ചകഴിഞ്ഞു 3 മണിക്ക് ശോഭായാത്ര ആരംഭിക്കും. തുടർന്ന് ഗരുഡത്തുമന ശ്രീ ധർമസ്വാമി ക്ഷേത്രം, മുരിക്കുംപുഴ ദേവിക്ഷേത്രം, കടപ്പാട്ടൂർ മഹാദേവ ക്ഷേത്രം, ചെത്തിമറ്റം പുതിയകാവ് ഭഗവതി ക്ഷേത്രം എന്നിവിടങ്ങളിൽ നിന്നുള്ള ശോഭായാത്രകൾ സംഗമിച്ച് പാലാ നഗരം ചുറ്റി മുരിക്കുംപുഴയിൽ സമാപിക്കും. ഉറിയടിയും പായസ വിതരണവും ചടങ്ങുകളുടെ ഭാഗമായി നടക്കും.
