പാലാ മാർത്തോമ്മ ചർച്ച് റോഡ് റസിഡൻസ് അസോസിയേഷന്റെ ആഭിമുഖ്യത്തിൽ കുടുംബാംഗങ്ങൾ ഒത്തുചേർന്ന് ഹൗസിംഗ് ബോർഡ് മൈതാനത്തിൽ സ്വാതന്ത്ര്യ ദിനാഘോഷ പരിപാടികൾ സംഘടിപ്പിച്ചു.
സംഘടനയുടെ മെമ്പർ കൂടിയായ നഗരസഭ ചെയർമാൻ ആന്റോ ജോസ് പടിഞ്ഞാറെക്കര ദേശീയ പതാക ഉയർത്തി. സംഘടനാ പ്രസിഡന്റ് എ.വി എബ്രഹാം ഐക്കരക്കുന്നേൽ സ്വാഗതം ആശംസിച്ചു. ഇന്ത്യ ചരിത്രവഴിയിലൂടെ എന്ന വിഷയത്തിൽ സംഘടനാ വൈസ് പ്രസിഡന്റ് എം. എസ് സെബാസ്റ്റ്യൻ ക്ലാസെടുത്തു.
നിഷ മാത്യു ക്വിസ് പ്രോഗ്രാം നടത്തി. വിജയികൾക്കുള്ള സമ്മാനങ്ങളും വിതരണം ചെയ്തു. ട്രിസ്റ്റ് വിത്ത് ഡെസ്റ്റിനി എന്ന പണ്ഡിറ്റ് ജവഹർലാൽ നെഹ്റുവിന്റെ വിശ്വപ്രസിദ്ധമായ പാതിരാ പ്രസംഗത്തിന്റെ വീഡിയോ പ്രദർശനവും നടത്തി.
ഡോക്ടർ തോമസ് ജോർജ്, പി എ പയസ്, ജെയ്ക് ജോസഫ്, ശില്പ ഹാരിഷ് എന്നിവർ ആശംസകൾ അറിയിച്ചു. സംഘടനാ സെക്രട്ടറി ബിജോയ് മണർകാട്ട് കൃതജ്ഞത രേഖപ്പെടുത്തി.
