തീക്കോയി ദി പീപ്പിൾസ് ലൈബ്രറി അനുമോദന സമ്മേളനം സംഘടിപ്പിച്ചു

തീക്കോയി ദി പീപ്പിൾസ് ലൈബ്രറിയുടെ ആഭിമുഖ്യത്തിൽ ബാങ്കിലേക്ക് തെരഞ്ഞെടുക്കപ്പെട്ട ബോർഡ് അം​ഗങ്ങളെയും എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം കൈവരിച്ച ലൈബ്രറി അം​ഗങ്ങളെയും അനുമോദിച്ചു. 

ഷേർജി പുറപ്പന്താനം അധ്യക്ഷത വഹിച്ച യോഗത്തിൽ 75-ാം സ്വാതന്ത്യ ദിനാഘോഷം ഗ്രാമപഞ്ചായത്ത് പ്രസിഡന്റ് കെ.സി.ജെയിംസ് ഉദ്ഘാടനം ചെയ്തു. ലൈബ്രറിയുടെ ഒരു വർഷം നീളുന്ന ഡയമണ്ട് ജൂബിലി ആഘോഷം മീനച്ചിൽ താലൂക്ക് ലൈബ്രറി കൗൺസിൽ പ്രസിഡന്റ് ഡോ: സിന്ധുമോൾ ജേക്കബ് ഉദ്ഘാടനം ചെയ്തു. 

ഉന്നത വിദ്യാഭ്യാസ അവാർഡ്, എസ്എസ്എൽസി,  പ്ലസ് ടൂ ഫുൾ എ പ്ലസ് വിജയികൾക്കുള്ള അവാർഡ് ലൈബറി കൗൺസിൽ സെക്രട്ടറി റോയി ഫ്രാൻസീസ് വിതരണം ചെയ്തു. 

ലൈബ്രറി മുൻപ്രസിഡന്റ് സാജി പുറപ്പന്താനം സ്വാഗതം അർപ്പിച്ചു. ഹൈകോർട്ട് ​ഗവൺമെന്റ് പ്ലീഡർ അഡ്വ. ജസ്റ്റിൻ ജേക്കബ്,വ്യാപാരി വ്യവസായി പ്രസിഡന്റ് എ.ജെ ജോർജ് അറമത്ത്, ബേബി മുത്തനാട്ട്, എം.എ ജോസഫ് , ജോയ്സി, ഹരി മണ്ണുമഠം, പയസ് കവളംമാക്കൽ, അപ്പച്ചൻ പോർക്കാട്ടിൽ, മാണിച്ചൻ വലിയവീട്ടിൽ, ജോമോൻ പോർകാട്ടിൽ എന്നിവർ ആശംസകൾ അർപ്പിച്ചു. സെക്രട്ടറി റെജി റ്റി എസ് തുണ്ടിയിൽ കൃതജ്ഞത അർപ്പിച്ചു.