പാലാ: ലയൺസ് ഡിസ്ട്രിക്ട് 318B യുടെ യൂത്ത് എംപവർമെൻ്റ് പ്രോഗ്രാമിൻ്റെ ഭാഗമായി ലയൺസ് ക്ലബ് ഓഫ് അരുവിത്തുറ പാലാ ഗവണ്മെന്റ് പോളിടെക്‌നിക്‌ കോളേജ് പ്ലേസ്മെന്റ് സെല്ലുമായി ചേർന്ന് മൂന്നാം വർഷ വിദ്യാർത്ഥികൾക്കായി 'സോഫ്റ്റ് സ്കിൽ ഡെവലപ്മെൻറ്' എന്ന വിഷയത്തിൽ യുവജന ശാക്തീകരണ സെമിനാർ സംഘടിപ്പിച്ചു.
കോളേജ് പ്രിൻസിപ്പൽ അനി എബ്രഹാം അധ്യക്ഷ ആയ പ്രോഗ്രാം പാലാ മുനിസിപ്പൽ വാർഡ് കൗൺസിലർ സതി ശശികുമാർ ഉദ്ഘാടനം ചെയ്തു. ലയൺസ് ഡിസ്ട്രിക്ട് 318B ചീഫ് പ്രൊജക്റ്റ് കോർഡിനേറ്റർ സിബി മാത്യൂ പ്ലാത്തോട്ടം മുഖ്യ പ്രഭാഷണം നടത്തി.
ലയൺസ് ക്ലബ് ഓഫ് അരുവിത്തുറ സെക്രട്ടറി ജോജോ പ്ലാത്തോട്ടം ആശംസ അറിയിച്ചു. സെന്റ്.അലോഷ്യസ് കോളേജ് എടത്വ കോമേഴ്‌സ് വിഭാഗം അധ്യാപകനായി വിരമിച്ച ഡോ.കുര്യാച്ചൻ ജോർജ് വലിയമംഗലം ക്ലാസ്സ് നയിച്ചു.
കോളേജ് സ്റ്റാഫ് ക്ലബ് സെക്രട്ടറി ഡോ.അമൃതരാജ് എം.ജി സ്വാഗതവും കോളേജ് യൂണിയൻ കൗൺസിലർ അമൽ സി.എസ് നന്ദിയും അറിയിച്ചു. മുന്നൂറിൽ പരം വിദ്യാർത്ഥികളും, അധ്യാപകരും പരിപാടിയിൽ പങ്കെടുത്തു.
