ജൽ ജീവൻ മിഷൻ: തിടനാട്ടിൽ സ്ഥലം കണ്ടെത്തി

പാലാ: തിടനാട് ഗ്രാമപഞ്ചായത്തിൽ ജൽ ജീവൻ മിഷൻ പദ്ധതിയുടെ ടാങ്കുകളുടെ നിർമ്മാണത്തിനാവശ്യമായ സ്ഥലം കണ്ടെത്തുവാൻ കഴിഞ്ഞതായി പഞ്ചായത്ത് പ്രസിഡന്റ് വിജി ജോർജ് പറഞ്ഞു.

പാലാ സോഷ്യൽ വെൽഫെയർ സൊസൈറ്റി പഞ്ചായത്തിൽ നടപ്പിലാക്കിയ നിർവ്വഹണ സഹായ പ്രവർത്തനങ്ങളുടെ കംപ്ലീഷൻ റിപ്പോർട്ട് പി.എസ്.ഡബ്ലിയു.എസ് പ്രോജക്ട് മാനേജർ ഡാന്റീസ് കൂനാനിക്കലിനോട് സ്വീകരിച്ചു.

പഞ്ചായത്ത് കോൺഫ്രൻസ് ഹാളിൽ നടന്ന ചടങ്ങിൽ വൈസ് പ്രസിഡന്റ് ലീനാ ജോർജ് അദ്ധ്യക്ഷത വഹിച്ചു. മെമ്പർമാരായ സ്കറിയ ജോസഫ്, ജോസ് ജോസഫ്, ജോഷി ജോർജ്, ഷെറിൻ ജോസഫ്, 

ബെറ്റി ബെന്നി, പ്രിയ ഷിജു, മിനി ബിനോ, ലിസ്സി തോമസ്, ഓമന രമേശ്, പ്രോജക്ട് ഓഫീസർ എബിൻ ജോയി, പ്രോജക്ട് കോ-ഓർഡിനേറ്റർ അമൽ ജോസ് എന്നിവർ സന്നിഹിതരായിരുന്നു.