കോട്ടയം: കേരളത്തിന്റെ മുൻ മുഖ്യമന്ത്രി ഉമ്മൻ ചാണ്ടിയെ അനുസ്മരിക്കുന്നതിനായി കേരള കോൺഗ്രസ് കോട്ടയം ജില്ലാ കമ്മിറ്റിയുടെ നേതൃത്വത്തിൽ ഓഗസ്റ്റ് 5 ശനിയാഴ്ച രാവിലെ 9.30ന് പുതുപ്പള്ളിയിൽ ഉമ്മൻ ചാണ്ടിയുടെ കബറടത്തിൽ പുഷ്പാർച്ചന നടത്തും. തു‌ടർന്ന് 10 മണിയ്ക്ക് പുതുപ്പള്ളി അധ്യാപക ബാങ്ക് ഓഡിറ്റോറിയത്തിൽ അനുസ്മരണ സമ്മേളനം നടക്കും.
അനുസ്മരണ സമ്മേളനം കേരള കോൺഗ്രസ് ചെയർമാൻ പി ജെ ജോസഫ് എംഎൽഎ ഉദ്ഘാടനം ചെയ്യും. കേരള കോൺഗ്രസ് കോട്ടയം ജില്ലാ പ്രസിഡണ്ട് സജി മഞ്ഞക്കടമ്പിൽ അധ്യക്ഷത വഹിക്കും. കോൺഗ്രസ് അച്ചടക്ക സമിതി ചെയർമാൻ തിരുവഞ്ചൂർ രാധാകൃഷ്ണൻ എംഎൽഎ മുഖ്യ പ്രസംഗം നടത്തും.
കേരള കോൺഗ്രസ് വർക്കിംഗ് ചെയർമാൻ പിസി തോമസ്, കേരള കോൺഗ്രസ് എക്സിക്യൂട്ടീവ് ചെയർമാൻ മോൻസ് ജോസഫ് എംഎൽഎ, മുൻ മന്ത്രി കെ.സി.ജോസഫ്, കേരള കോൺഗ്രസ് സെക്രട്ടറി ജനറൽ ജോയ് എബ്രഹാം, കേരളാ കോൺഗ്രസ് ചീഫ് കോർഡിനേറ്റർ റ്റിയു കുരുവിളാ, ഡെപ്യൂട്ടി ചെയർമാൻമാരായ കെ. ഫ്രാൻസീസ് ജോർജ്, തോമസ് ഉണ്ണിയാടൻ, വൈസ് ചെയർമാൻമാരായ വക്കച്ചൻ മറ്റത്തിൽ, ഇ ജെ ആഗസ്തി, ഫ്രൊഫ: ഗ്രേസമ്മ മാത്യു,
അഡ്‌വൈസർ തോമസ് കണ്ണന്തറ, ബേബി തുപ്പലിഞ്ഞി, ഉമ്മൻ ചാണ്ടിയുടെ പുത്രൻ ചാണ്ടി ഉമ്മൻ, യുഡിഎഫ് ജില്ലാ കൺവീനർ ഫിൽസൺ മാത്യൂസ്, ജില്ല സെക്രട്ടറി അസീസ് ബഡായിൽ, ഡിസിസി പ്രസിഡന്റ് നാട്ടകം സുരേഷ്, രാജു കുഴിവേലിൽ, കെ.ബി.ഗിരിഷ്, ഡിസിസി സംസ്ഥാന ജില്ലാ നേതാക്കൾ തുടങ്ങിയവരും പങ്കെടുക്കുമെന്ന് കേരളാ കോൺഗ്രസ് ജില്ലാ ജനറൽ സെക്രട്ടറി ജയിസൺ ജോസഫ് അറിയിച്ചു.
.jpg)
