മൂന്നിലവ്: ലയൺസ് ഡിസ്ട്രിക്ട് 318. ബി. യിലെ ചിത്രരചന മത്സരത്തിന്റെ ഭാഗമായി ലയൺസ് ക്ലബ് ഓഫ് അരുവിത്തുറ, സെന്റ് പോൾസ് എച്ച് എസ് വലിയകുമാരമംഗലം സ്കൂളിലെ കുട്ടികൾക്കായി ചിത്രരചന മത്സരം സംഘടിപ്പിച്ചു.
സ്കൂൾ ഹെഡ്മാസ്റ്റർ ഷാജിമോൻ എം റ്റി യുടെ അധ്യക്ഷതയിൽ ചേർന്ന യോഗത്തിൽ ലയൺസ് ഡിസ്ട്രിക്ട് ചീഫ് കോർഡിനേറ്റർ സിബി മാത്യു പ്ലാത്തോട്ടം ഉദ്ഘാടനം ചെയ്തു. ക്ലബ്ബ് പ്രസിഡന്റ് അരുൺ കുളംപള്ളിയും മുഖ്യപ്രഭാഷണം നടത്തി.
ലയൺസ് ക്ലബ് സ്പോൺസർ ചെയ്യുന്ന മലയാള മനോരമ പത്രത്തിന്റെ കോപ്പി ഡിസ്ട്രിക്ട് കോ ഓർഡിനേറ്റർ സിബി മാത്യു പ്ലാത്തോട്ടവും ക്ലബ്ബ് പ്രസിഡന്റ് അരുൺ കുളംപള്ളിയും ചേർന്ന് സ്കൂൾ ലീഡർക്ക് കൈമാറി. കുട്ടികളും അധ്യാപകരും അടക്കം നാനൂറോളം പേർ പങ്കെടുത്തു. അധ്യാപക പ്രതിനിധി ലിജോയ് തോമസ് നന്ദി പറഞ്ഞു.
.jpg)
