പ്രവിത്താനം: സെൻ്റ് മൈക്കിൾസ് ഹയർ സെക്കൻഡറി സ്കൂളിലെ ജൂനിയർ റെഡ് ക്രോസ് ക്ലബ്ബിൻ്റെ ആഭിമുഖ്യത്തിൽ ഗാന്ധി ജയന്തി ദിനം ആചരിച്ചു.
ജൂനിയർ റെഡ് ക്രോസ് അംഗങ്ങൾ സ്കൂൾ ഹെഡ്മാസ്റ്റർ അജി വി.ജെയുടെയും, ജൂനിയർ റെഡ് ക്രോസ് കൗൺസിലർ ബീനാമോൾ അഗസ്റ്റിന്റെയും നേതൃത്വത്തിൽ പാലാ മൂന്നാനിയിലുള്ള മഹാത്മാഗാന്ധി പ്രതിമയിൽ പുഷ്പാർച്ചന നടത്തി പ്രാർത്ഥന നടത്തി.
മഹാത്മാഗാന്ധി നാഷണൽ ഫൗണ്ടേഷൻ ചെയർമാൻ എബി ജെ.ജോസ് ഗാന്ധിജയന്തി ദിന സന്ദേശം നൽകി. ഗാന്ധിജയന്തിയോട് അനുബന്ധിച്ച് ജൂനിയർ റെഡ് ക്രോസ് ക്ലബ്ബിന്റെ ആഭിമുഖ്യത്തിൽ വിദ്യാർത്ഥികൾക്കായി സ്കൂളിൽ വിവിധ മത്സരങ്ങളും ക്രമീകരിച്ചിട്ടുണ്ട്.
