കൊല്ലപ്പള്ളി ടൗണിലുള്ള കടനാട് സർവീസ് സഹകരണ ബാങ്ക് ഹെഡ് ഓഫീസിന് മുൻപിൽ നടന്ന പ്രതിഷേധപരിപാടിയിൽ 50ൽ അധികം നിക്ഷേപകർ പങ്കെടുത്തു. സാധാരണക്കാരായ തങ്ങളുടെ സമ്പാദ്യം തിരികെ നല്കാൻ യാതൊരു നടപടിയും ബാങ്കിന്റെ ഭാഗത്തുനിന്ന് ഉണ്ടാകുന്നില്ലെന്ന് അവർ ആരോപിച്ചു. വിഷയത്തിൽ അധികൃതർ നിഷേധാത്മക നിലപാട് സ്വീകരിക്കുന്നതായും പ്രതിഷേധക്കാർ പരാതിപ്പെട്ടു.
ഭരണസമിതിയ്ക്കും ജീവനക്കാരും ചേർന്ന് ബാങ്കിനെ തകർക്കുകയും, നിക്ഷേപകരെ ഓരോരുത്തരെയും സാമ്പത്തിക മാനസിക പ്രതിസന്ധിയിൽ ആക്കുകയും ചെയ്തിരിക്കുകയാണെന്നും ആരോപണം ഉയർന്നു.
കടനാട് സർവീസ് സഹകരണ ബാങ്ക് അടച്ചു പൂട്ടലിന്റെ വക്കിൽ എത്തി നിൽക്കുകയാണെന്നും നിലനിൽപ്പിനും സംരക്ഷണത്തിനും ആവശ്യമായ നടപടികൾ സ്വീകരിച്ച് തങ്ങളുടെ തുക തിരികെ നല്കാൻ നടപടി സ്വീകരിക്കണമെന്നും അവർ ആവശ്യപ്പെട്ടു.
