കോട്ടയം: കോട്ടയം ജില്ലാ ജനറൽ ആശുപത്രി പ്രസവ വാർഡിന്റെ മേൽക്കൂരയിൽ നിന്ന് സിമൻറ് പാളി അടർന്നുവീണു. തലനാരിഴയ്ക്ക് ദുരന്തം ഒഴിവായി. ബുധനാഴ്ച രാവിലെ 10 മണിയോടെയായിരുന്നു സംഭവം.
പ്രസവ വാർഡിലേക്കുള്ള വഴിയിലെ മുകൾ ഭാഗത്തെ സിമൻറ് പാളിയാണ് അടർന്നുവീണത്. നവജാതശിശുക്കളുമായി വാര്ഡിലേക്ക് പോകുന്ന കോണിപ്പടിയിലേക്കാണ് കോണ്ക്രീറ്റ് പാളി വീണത്.
നാലാം വാർഡിൽ ക്ലീനിങ് നടക്കുകയായിരുന്നതിനാൽ നിരവധി സ്ത്രീകൾ ഈ സമയം വരാന്തയിലുണ്ടായിരുന്നു. തലനാരിഴയ്ക്കാണ് ഇവർ രക്ഷപ്പെട്ടത്.
കാലപ്പഴക്കം ചെന്ന കെട്ടിടത്തിന്റെ പല ഭാഗത്തുനിന്നും പലപ്പോഴായി ഇത്തരത്തിൽ പ്ലാസ്റ്ററിങ് അടർന്നുവീഴുന്നത് ജീവനക്കാരെയടക്കം ആശങ്കയിലാഴ്ത്തുന്നുണ്ട്.
