രാമപുരത്ത് വാര്യർ മെമ്മോറിയൽ പബ്ലിക് ലൈബ്രറിയുടെ ഒരു വർഷം നീണ്ടുനിന്ന പ്ലാറ്റിനം ജൂബിലി ആഘോഷങ്ങൾ ഒക്ടോബർ 24ന് സമാപിയ്ക്കും. പരിപാടിയുടെ ഭാഗമായി രാവിലെ നടക്കുന്ന വഞ്ചിപ്പാട്ട് മത്സരം മീനച്ചിൽ താലൂക്ക് ലൈബ്രറി കൗൺസിൽ സെക്രട്ടറി റോയ് ഫ്രാൻസീസ് ഉദ്ഘാടനം ചെയ്യും. വിജയകുമാർ പാലക്കുഴ ആമുഖ പ്രഭാഷണം നടത്തും.
വൈകുന്നേരം 4ന് ആരംഭിയ്ക്കുന്ന സാംസ്കാരിക സമ്മേളനം കോട്ടയം ജില്ലാ ലൈബ്രറി കൗൺസിൽ സെക്രട്ടറി അഡ്വ. എൻ ചന്ദ്രബാബു ഉദ്ഘാടനം ചെയ്യും. ലൈബ്രറി പ്രസിഡന്റ് കെഎസ് മാധവൻ അധ്യക്ഷത വഹിക്കും. മീനച്ചിൽ താലൂക്ക് ലൈബ്രറി കൗൺസിൽ എക്സിക്യൂട്ടീവ് പ്രഭ കളരിയ്ക്കൽ, സെക്രട്ടറി അജയൻ ജി എന്നിവരും സംസാരിയ്ക്കും.
കഥാകൃത്തും നോവലിസ്റ്റുമായ ഷാജി മഞ്ജരി മുഖ്യപ്രഭാഷണം നടത്തും. ലൈബ്രറി ജില്ല കൗൺസിൽ പ്രസിഡന്റ് ബാബു കെ ജോർജ്, ഉഴവൂർ ബ്ലോക്ക് പഞ്ചായത്ത് പ്രസിഡന്റ് ജോൺസൺ പുളിക്കിൽ, യുഎസ്എ നാസ എയ്റോസ്പേസ് റിട്ടയേഡ് എൻജിനീയർ വിൻസെന്റ് വള്ളോപ്പിള്ളിൽ, സംസ്ഥാന ലൈബ്രറി കൗൺസിൽ അംഗം കെഎസ് രാജു, നാരായണൻ കാരനാട്ട്, മുകേഷ് എം എന്നിവർ ആശംസകൾ അർപ്പിയ്ക്കും.
വൈലോപ്പിള്ളി കുടുംബം സ്പോൺസർ ചെയ്തിരിയ്ക്കുന്ന അണിയം 2023 വഞ്ചിപ്പാട്ട് മേളയിൽ നെടുമുടി നടുഭാഗം, കൈനരി കലാക്ഷേത്ര, ആറൻമുള വിനീത് എന്നീ വഞ്ചിപ്പാട്ട് സംഘങ്ങൾ വഞ്ചിപ്പാട്ടുകൾ അവതരിപ്പിയ്ക്കും.
