തീക്കോയി ദി പീപ്പിൾസ് ലൈബ്രറി & റീഡിംഗ് റൂം പ്ലാറ്റിനം ജൂബിലി സമാപന സമ്മേളനം ഒക്ടോബർ 14ന് നടക്കും. വിപുലമായ പരിപാടികളാണ് അന്നേ ദിവസം സംഘടിപ്പിച്ചിരിക്കുന്നത്.
14 ശനിയാഴ്ച വൈകുന്നേരം 4ന് തീക്കോയി ടൗണിലാണ് സമ്മേളനം നടക്കുന്നത്. ആന്റോ ആന്റണി എംപി ഉദ്ഘാടനം ചെയ്യും. പീപ്പിൾസ് ലൈബ്രറി പ്രസിഡന്റ് ഷേർജി പുറപ്പന്താനം അധ്യക്ഷത വഹിക്കും. അഡ്വ സെബാസ്റ്റ്യൻ കുളത്തുങ്കൽ എംഎൽഎ മുഖ്യ പ്രഭാഷണം നടത്തും.
ബ്ലോക്ക് പഞ്ചായത്ത് പ്രസിഡന്റ് ആർ ശ്രീകല അവാർഡ് വിതരണം നിർവഹിക്കും. തീക്കോയി ഗ്രാമപഞ്ചായത്ത് പ്രസിഡന്റ് കെസി ജെയിംസ് വിശിഷ്ട വ്യക്തികളെ ആദരിയ്ക്കും.
ബ്ലോക്ക് പഞ്ചായത്ത് മെമ്പർ ഓമന ഗോപാലൻ, ജില്ലാ പഞ്ചായത്തംഗം അഡ്വ. ഷോൺ ജോർജ്, ജില്ലാ ലൈബ്രറി കൗൺസിൽ പ്രസിഡന്റ് ബാബു കെ ജോർജ്, ജില്ലാ ലൈബ്രറി കൗൺസിൽ സെക്രട്ടറി എൻ ചന്ദ്രബാബു, മീനച്ചിൽ താലൂക്ക് ലൈബ്രറി കൗൺസിൽ പ്രസിഡന്റ് സിന്ധുമോൾ ജേക്കബ്, മീനച്ചിൽ താലൂക്ക് ലൈബ്രറി കൗൺസിൽ സെക്രട്ടറി റോഡ് ഫ്രാൻസിസ് തുടങ്ങിയവരും പങ്കെടുക്കും. സമ്മേളനത്തിന് ശേഷം വൈകുന്നേരം ആറ് മണിയ്ക്ക് പീപ്പിൾസ് ഓർക്കസ്ട്ര നയിക്കുന്ന സാഗരം ഗാനമേളയും നടക്കും.
