നിങ്ങൾക്കും സംരംഭകരാകാം... ബോധവൽകരണ ശില്പശാല നാളെ തീക്കോയി ഗ്രാമപഞ്ചായത്ത് ഹാളിൽ

തീക്കോയി ഗ്രാമപഞ്ചായത്തിൻ്റെയും മീനച്ചിൽ താലൂക്ക് വ്യവസായ ഓഫീസിന്റെയും സഹകരണത്തോടെ സംരംഭകത്വ ബോധവൽകരണ ശില്പശാല നവംബർ 07 വ്യാഴാഴ്ച ഉച്ചയ്ക്ക് 2.00 ന് തീക്കോയി ഗ്രാമപഞ്ചായത്ത് ഹാളിൽ നടത്തുന്നു. 

വൈസ് പ്രസിഡൻ്റ് മാജി തോമസിൻ്റെ അധ്യക്ഷതയിൽ ചേരുന്ന യോഗം തീക്കോയി ഗ്രാമപഞ്ചായത്ത് പ്രസിഡൻ്റ് കെ സി ജെയിംസ് ഉദ്ഘാടനം ചെയ്യും. പാലാ മുനിസിപ്പാലിറ്റി EDE അജയ് ജോസ് ക്ലാസ്സുകൾ നയിക്കും.

പ്രസ്തുത പരിപാടിയിൽ എങ്ങനെ ഒരു സംരഭം ആരംഭിക്കാം, പുതിയ സംരഭ സാധ്യത മേഖലകൾ, അതിനാവശ്യമായി വരുന്ന ലൈസൻസുകളും രജിസ്ട്രേഷനുകളും, വ്യവസായ വകുപ്പും മറ്റ് സർക്കാർ വകുപ്പുകളും ഏജൻസികളും വഴി നടപ്പിലാക്കുന്ന വിവിധ സബ്‌സിഡി സ്കീമുകൾ, സഹായ പദ്ധതികൾ (Msme insurance For Manufacturing, Service and Trade units) PMFME, OFOE, PMEGP, വായ്പ പദ്ധതികൾ തുടങ്ങി ഒരു സംരംഭകൻ അറിഞ്ഞിരിക്കേണ്ട എല്ലാ കാര്യങ്ങളെക്കുറിച്ചും ക്ലാസ് നടക്കും. 

നിലവിൽ ഉൽപാദന, സേവന, കച്ചവട മേഖലകളിൽ സംരംഭം നടത്തുന്നവരും, പുതുതായി സംരംഭത്തിലേക്ക് കടന്നു വരാൻ ആഗ്രഹിക്കുന്നവരും ഈ അവസരം പരമാവധി പ്രയോജനപ്പെടുത്തണമെന്ന് തീക്കോയി ഗ്രാമപഞ്ചായത്ത് പ്രസിഡൻ്റ് കെ സി ജെയിംസ് അറിയിച്ചു.

കൂടുതൽ വിവരങ്ങൾക്ക്: 9497400158 - നന്ദു വി നടരാജ് (എന്റർപ്രൈസ് ഡെവലപ്പ്മെന്റ് എക്സിക്യൂട്ടീവ്), 9744454855 - സജന ഉമ്മർ (വ്യവസായ വികസന ഓഫീസർ)