കോട്ടയം: നാട്ടകം ഗവ. കോളേജ് സുവർണ ജൂബിലി ആഘോഷങ്ങൾക്കു സമാപനം. അക്ഷരനഗരിയുടെ അഭിമാനവും കേരളത്തിലെ സർക്കാർ കോളജുകളിൽ ഏറ്റവും മികച്ചതുമായി നാട്ടകം ഗവ. കോളേജ് മാറിയത് അധ്യാപകരുടേയും പൂർവവിദ്യാർഥികൾ അടങ്ങുന്ന സമൂഹത്തിന്റെയും വിദ്യാർഥികളുടെയും മറ്റ് ജീവനക്കാരുടേയും കഠിനാധ്വാനം കൊണ്ടാണെന്നു സഹകരണ - തുറമുഖ - ദേവസ്വം വകുപ്പ് മന്ത്രി വി. എൻ. വാസവൻ. കോളേജ് അങ്കണത്തിൽ നടന്ന സാംസ്കാരിക സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ഉന്നതവിദ്യാഭ്യാസ രംഗത്ത് സംസ്ഥാന സർക്കാർ ഏറ്റവും കൂടുതൽ പണം ചെലവിടുന്ന കാലമാണിത്. ഇന്ത്യയിലെ ആദ്യത്തെ ഡിജിറ്റൽ സർവകലാശാല, ആദ്യത്തെ സയൻസ് പാർക്ക്, റോബോട്ടിക് പഠനത്തിനുള്ള കേന്ദ്രം എന്നുതുടങ്ങി അഭിമാനകരമായ പദ്ധതികളാണ് സംസ്ഥാനത്ത് നടപ്പാക്കിയിട്ടുള്ളത്. ഈ മാറ്റങ്ങൾ ഹയർ സെക്കൻഡറി പഠനം കഴിഞ്ഞാലുടൻ വിദേശത്തേക്കു ചേക്കേറാൻ നോക്കിയിരിക്കുന്ന പുത് തലമുറയ്ക്കു വലിയ പ്രതീക്ഷ നൽകുന്നതാണെന്നും മന്ത്രി പറഞ്ഞു.
ചടങ്ങിൽ നാട്ടകം കോളേജ് പ്രിൻസിപ്പൽ ഡോ. ആർ. പ്രഗാഷ് ചടങ്ങിൽ അധ്യക്ഷത വഹിച്ചു. വൈസ് പ്രിൻസിപ്പൽ എം.എസ്. സോമരാജൻ, എം.ജി. സർവകലാശാല സിൻഡിക്കേറ്റംഗം റെജി സഖറിയ, അലുമിനി അസോസിയേഷൻ സെക്രട്ടറി കെ.എസ്. സജീവ്, പി.ടി.എ. പ്രസിഡന്റ് സിജോ മാത്യൂ, ഡോ. എ.വി. അനീഷ്, കോളേജ് യൂണിയൻ ചെയർമാൻ കാർത്തിക് എന്നിവർ പ്രസംഗിച്ചു. സമാപനസമ്മേളനത്തിന്റെ ഭാഗമായി വിദ്യാഭ്യാസ പ്രദർശനമേളയും കലാസാംസ്കാരിക പരിപാടികളും അരങ്ങേറി.
നിങ്ങൾക്കും ചുരുങ്ങിയ കാലം കൊണ്ട് മീഡിയ പ്രൊഫഷണലാകാം!
ബി എം ടിവിയുടെ മീഡിയ ക്രാഷ് കോഴ്സുകളിലേക്ക് അഡ്മിഷൻ ആരംഭിച്ചിരിക്കുന്നു. നിശ്ചിത സീറ്റുകൾ മാത്രം!
ന്യൂസ് / വീഡിയോ എഡിറ്റിംഗ്, ന്യൂസ് വീഡിയോഗ്രഫി / ഫോട്ടോഗ്രഫി, ലൈവ് ടെലികാസ്റ്റിംഗ്, ന്യൂസ് റീഡിങ്, ആങ്കറിങ്, സ്റ്റേജ് കോമ്പെയറിങ്, റിപ്പോർട്ടിംഗ്, കണ്ടന്റ് റൈറ്റിംഗ് എന്നിവയിൽ ജോലി ചെയ്ത് പഠിക്കാൻ അവസരം. ഉടൻ രജിസ്റ്റർ ചെയ്യൂ - https://forms.gle/gcdPsW2VTy4m9bgD6 കൂടുതൽ വിവരങ്ങൾക്ക് വിളിക്കൂ - 7012701800
