വെള്ളികുളം സെൻ്റ് ആൻ്റണീസ് പള്ളിയിൽ മെയ് 1 ന് വയോജന ദിനാചരണം

വെള്ളികുളം: വെള്ളികുളം സെൻ്റ് ആൻ്റണീസ് പള്ളിയിൽ തൊഴിലാളി മധ്യസ്ഥനായ വിശുദ്ധ യൗസേപ്പിതാവിൻ്റ തിരുനാളിനോടനുബന്ധിച്ച് മെയ് 1-ാം തീയതി വ്യാഴാഴ്ച ഇടവകയിലെ മുതിർന്നവരെ പങ്കെടുപ്പിച്ചുകൊണ്ട് വയോജന ദിനം സംഘടിപ്പിക്കും. 

രാവിലെ 9.00 ന് കുമ്പസാരം, 9 .45 ന് വിശുദ്ധ കുർബാന ഫാ. പോൾ ചിറപ്പുറത്ത് ഒ.എഫ്.എം. "വാർദ്ധക്യ കാലം അനുഗ്രഹീതമാക്കാൻ" എന്ന വിഷയത്തെക്കുറിച്ച് ഫാ.സ്കറിയ വേകത്താനം സെമിനാർ നയിക്കും. തുടർന്ന് കലാ-കായിക മത്സരങ്ങൾ. 

പാരിഷ് ഹാളിൽ വച്ച് നടക്കുന്ന സമാപന സമ്മേളനത്തിൽ ഫാ.സ്കറിയ വേകത്താനം മീറ്റിംഗിൽ അധ്യക്ഷത വഹിക്കും. സമ്മേളനത്തിൽ മുതിർന്നവരെ ആദരിക്കും. സമ്മാനദാനം, സ്നേഹവിരുന്ന് എന്നിവ നടക്കും. 

അലൻ കണിയാംകണ്ടത്തിൽ, ജെസ്ബിൻ വാഴയിൽ, പ്രവീൺ വട്ടോത്ത്, മെൽബി ബിപിൻ ഇളംതുരുത്തിയിൽ, സ്റ്റെപിൻ നെല്ലിയേക്കുന്നേൽ, റിയാ തെരേസ് മാന്നാത്ത്, ജോമോൻ കടപ്ളാക്കൽ, സിസ്റ്റർ മെറ്റി സി.എം.സി., സിസ്റ്റർ ട്രീസാ മരിയ അരയത്തുംകര സി.എം.സി. തുടങ്ങിയവർ പരിപാടികൾക്ക് നേതൃത്വം നൽകും.