ഈരാറ്റുപേട്ട: സിപിഐ പൂഞ്ഞാർ മണ്ഡലം സമ്മേളനത്തിൻ്റെ ഭാഗമായി നടന്ന പതാക, ബാനർ, കൊടിമര ജാഥകൾ സമാപിച്ചു കൊണ്ടുള്ള പൊതു സമ്മേളനം ഈരാറ്റുപേട്ടയിൽ മൃഗസംരക്ഷണ ക്ഷീര വികസന വകുപ്പ് മന്ത്രി ജെ ചിഞ്ചു റാണിഉദ്ഘാടനം ചെയ്തു.
ഇന്ത്യയിലെ ഇടതുപക്ഷ രാഷ്ട്രീയപാര്ട്ടികള് ഒരുമിച്ച് നിന്നുകൊണ്ട് മറ്റ് മതേതര ജനാധിപത്യ പാര്ട്ടികളെയും കൂടിച്ചേര്ത്താല് മാത്രമേ ഇന്ന് രാജ്യം നേരിടുന്ന ഭരണഘടനയെ ധിക്കരിക്കുന്ന രാജ്യത്തിന്റെ ജനാധിപത്യമൂല്യങ്ങളെ ചവിട്ടി മെതിക്കുന്ന രാജ്യത്തിന്റെ മതേതരത്വം ഇല്ലാതാക്കുന്ന മോഡി ഭരണകൂടത്തിനെതിരെ എന്തെങ്കിലും ചെയ്യാന് സാധിക്കു എന്ന ഉറച്ച വിശ്വാസമാണ് കമ്മ്യൂണിസ്റ്റ് പാര്ട്ടിക്കുള്ളതെന്നും, രാജ്യത്തിന്റെ നിലനില്പ്പിനായി ഇന്ത്യയിലെ കമ്മ്യൂണിസ്റ്റ് പാര്ട്ടിയെ ശക്തിപ്പെടുത്തുകയാണ് അടിയന്തിര കടമയെന്നും മന്ത്രി പറഞ്ഞു.
ത്യാഗനിര്ഭരമായ പോരാട്ടങ്ങളുടെ ചരിത്രമാണ് ഇന്ത്യയിലെ കമ്മ്യൂണിസ്റ്റ് പ്രസ്ഥാനങ്ങള്ക്കുള്ളത്. വര്ഗീയതയ്ക്കും വിഘടനവാദത്തിനും എതിരായ പോരാട്ടത്തില് കമ്മ്യൂണിസ്റ്റ് പാര്ട്ടി എന്നും മുന്നില് നില് ക്കുന്നുണ്ടെന്ന കാര്യം സഖാവ് ചിഞ്ചുറാണി ഓര്മ്മിപ്പിച്ചു. സിപിഐ പൂഞ്ഞാർ മണ്ഡലം സെക്രട്ടറി ഇ കെ മുജീബ് അധ്യക്ഷത വഹിച്ചു. സംഘാടകസമിതി കൺവീനർ കെ ഇ നൗഷാദ് സ്വാഗതം പറഞ്ഞു. മണ്ഡലത്തിലെ മുതിർന്ന സഖാക്കളെ ആദരിച്ചുകൊണ്ട് സി പി ഐ കോട്ടയം ജില്ലാ സെക്രട്ടറി അഡ്വക്കേറ്റ് വി ബി ബിനു സംസാരിച്ചു. സംസ്ഥാന കൗൺസിൽ അംഗം അഡ്വക്കേറ്റ് വി കെ സന്തോഷ് കുമാർ, ജില്ല അസിസ്റ്റൻറ് സെക്രട്ടറി മോഹൻ ചെന്നംകുളം, എക്സിക്യൂട്ടീവ് അംഗം ബാബു കെ ജോർജ്, ജില്ലാ കമ്മിറ്റി അംഗങ്ങളായ എംജി ശേഖരൻ, പി എസ് സുനിൽ, ഷമ്മാസ് ലത്തീഫ്, സെക്രട്ടറിയേറ്റ് അംഗങ്ങളായ കെ എസ് രാജു, പി എസ് ബാബു, കെ ശ്രീകുമാർ തുടങ്ങിയ നേതാക്കൾ സമ്മേളനത്തിൽ അഭിവാദ്യം ചെയ്തു.
.jpg)
.jpg)
