പാലാ: നഗരസഭയിലെ മുഴുവൻ തെരുവുനായ്ക്കൾക്കും പേവിഷബാധക്കെതിരെ കുത്തിവെയ്പ് നൽകാൻ മുൻസിപ്പൽ തലത്തിൽ നടന്ന ആലോചനായോഗത്തിന് ശേഷം കൗൺസിൽ യോഗത്തിൽ തീരുമാനമായി. ആലോചനായോഗത്തിൽ ചെയർമാൻ തോമസ് പീറ്റർ അദ്ധ്യക്ഷത വഹിച്ചു.
ജൂലൈ മാസം ഒന്നാം തീയതി മൃഗാശുപത്രിയുമായി ചേർന്ന് നഗരസഭയിലെ അലഞ്ഞു തിരിഞ്ഞു നടക്കുന്ന നായ്ക്കളെ കണ്ടുപിടിച്ച് വാക്സിനേഷൻ നടപ്പിലാക്കുന്നതാണ്. ആലോചനാ യോഗത്തിൽ വൈസ് ചെയർമാൻ ബിജി ജോജോ, വികസന സ്റ്റാൻഡിംഗ് കമ്മിറ്റി ചെയർമാൻ സാവിയോ കാവുകാട്ട്, വെറ്റിനറി ഡോക്ടർ ജോജി മാത്യു, ഹെൽത്ത് വിഭാഗം മേധാവി ആറ്റ്ലി പി ജോൺ തുടങ്ങിയവർ പങ്കെടുത്തു.
നായ്കൾ ഉള്ള സ്ഥലങ്ങൾ മൃഗാശുപത്രിയിൽ അറിയിക്കുന്നതിന് കൗൺസിലർ മാരെ ചുമതലപ്പെടുത്തുന്നതായി ഇന്ന് നടന്ന കൗൺസിൽ യോഗത്തിൽ ചെയർമാൻ അറിയിച്ചു. ഇതിനുശേഷം നഗരസഭയിൽ എ ബി സി പ്രോഗ്രാമും വളർത്തു നായ്ക്കൾക്ക് ഉള്ള വാക്സിനേഷനും നടത്തും.
