സെന്റ് ജോസഫ് എൽ.പി. സ്കൂൾ മണിയംകുളം: ചങ്ങാതിക്ക് ഒരു മരം പദ്ധതി

പൂഞ്ഞാർ: ചങ്ങാതിക്ക് ഒരു മരം പദ്ധതി സെന്റ്. ജോസഫ് എൽ. പി. എസ്‌ മണിയംകുളം സ്കൂളിൽ വിജയകരമായി നടത്തപ്പെട്ടു. എല്ലാ കുട്ടികളും ചങ്ങാതിക്ക് ഒരു മരം നൽകിയപ്പോൾ അധ്യാപകരും പരസ്പരം മരങ്ങൾ കൈമാറിയത് കുട്ടികൾക്ക് പ്രോത്സാഹനം ആയി.

വാർഡ് മെമ്പർ ഷാന്റി തോമസ് കുട്ടികൾക്ക് സന്ദേശം നൽകുകയും പരിപാടികൾക്ക് നേതൃത്വം നൽകുകയും ചെയ്തു. കുട്ടികൾ തങ്ങൾ കൊണ്ടുവന്ന വിവിധ മരങ്ങളുടെ പേരുകൾ പരിചയപ്പെടുകയും, എന്റെ ഓർമ്മക്കായി ഈ മരം എന്നും സംരക്ഷിക്കണം എന്ന് പറഞ്ഞ് തൈകൾ  കൈമാറുകയും ചെയ്തു. സ്കൂളിലെ മുഴുവൻ കുട്ടികളും ചങ്ങാതിക്ക് തൈകൾ കൈമാറിയ ഈ പരിപാടിയിൽ കുട്ടികൾ എല്ലാവരും സന്തോഷപൂർവ്വം പങ്കുകൊണ്ടു.