പാലാ സെൻ്റ് മേരീസ് എൽ.പി സ്കൂളിന് ഗ്രാൻ്റ് ഓവറോൾ കിരീടം

പാലാ: പ്ലാശനാൽ വച്ച് 7, 8 തീയതികളിൽ നടന്ന പാലാ ഉപജില്ല ശാസ്ത്രോൽസവത്തിൽ എൽ.പി വിഭാഗത്തിൽ ഈ വർഷവും പാലാ സെൻ്റ് മേരീസ് എൽ പി.സ്കൂൾ ഗ്രാൻറ് ഓവറോൾ നേടി.190 പോയിൻ്റ് നേടിയാണ് സ്കൂൾ ഓവറോൾ നേടിയത്. 

ഗണിത മേളയിൽ ഒന്നാം സ്ഥാനം, സാമൂഗു ശാസ്ത്രമേളയിൽ ഒന്നാം സ്ഥാനം, പ്രവൃത്തി പരിചയമേളയിൽ ഒന്നാം സ്ഥാനം, ശാസ്ത്രമേളയിൽ രണ്ടാം സ്ഥാനം എന്നിങ്ങനെ നടന്ന മേളകളിലെല്ലാം മേൽക്കൈ നേടിയാണ് സെൻ്റ് മേരീസിലെ കൊച്ചു കുട്ടികൾ ഈ നേട്ടം കൈവരിച്ചത്. 

   

കഴിഞ്ഞ കുറേ വർഷങ്ങളായി സെൻ്റ് മേരീസിന് തന്നെയായിരുന്നു ഗ്രാൻ്റ് ഓവറോൾ. ഹെഡ്മിസ്ട്രസ് സി.ലിൻസി ജെ.ചീരാംകുഴിയുടെ നേതൃത്വത്തിൽ അധ്യാപകരുടെ അക്ഷീണ പരിശ്രമം ഈ വിജയത്തിന് പിന്നിലുണ്ട്. വിജയികളെ സ്കൂർ പി.റ്റി.എ അഭിനന്ദിച്ചു. 

പി.റ്റി.എ പ്രസിഡൻ്റ് ജോഷിബ ജയിംസ് അധ്യക്ഷത വഹിച്ചു. ഹെഡ്മിസ്ട്രസ് സി.ലിൻസി ജെ.ചീരാംകുഴി ഉദ്ഘാടനം ചെയ്തു. എം.പി .റ്റി.എ പ്രസിഡൻ്റ് സൗമ്യ ജയിംസ് അധ്യാപകരായ ബിൻ സി സെബാസ്റ്റ്യൻ, സി.ലിജി, ലീജാ മാത്യു., മാഗി ആൻഡ്രൂസ്, സി.ജെസ്സ് മരിയ, ലിജോ ആനിത്തോട്ടം, നീനു ബേബി, കാവ്യാമോൾ മാണി, ജോളി മോൾ തോമസ്, സി. മരിയ റോസ്, അനു മെറിൻ അഗസ്റ്റിൻ, ജോസ്മിൻ പി.ജെ., ടെസിൻ മാത്യു, ഗീതു ട്രീസ ബോണി തുടങ്ങിയവർ പ്രസംഗിച്ചു.