കൂത്താട്ടുകുളം: മദ്യശേഖരവുമായി കൂത്താട്ടുകുളത്ത് ബാർ ജീവനക്കാരൻ എക്സൈസിന്റെ പിടിയിലായി. പാമ്പാക്കുട ഗ്രീൻ പാലസ് ബാർ ഹോട്ടൽ ജീവനക്കാരനായ എം.സി. ജയ്സൺ , ജയ്സണെ മദ്യ വിൽപ്പനയിൽ സഹായിച്ച ജോണിറ്റ് ജോസ് എന്നിവരെയാണ് കൂത്താട്ടുകുളം യുപി സ്കൂളിന് സമീപത്തു ജയ്സൺന്റെ വാടക വീട്ടിൽ നിന്ന് പിടികൂടിയത്. ഇവരിൽ നിന്ന് വിവിധ അളവുകളിൽ ഉള്ള 67 കുപ്പി മദ്യം എക്സൈസ് പിടിച്ചെടുത്തു.
