പൈക: യുവതിയെ ഭര്‍ത്താവ് കഴുത്തില്‍ കുത്തി പരിക്കേല്‍പ്പിച്ചു. പൈക മല്ലികശ്ശേരിയിലാണ് സംഭവം നടന്നത്. സിനി എന്ന 42കാരിയെയാണ് 48 കാരനായ ഭര്‍ത്താവ് ബിനോയ്‌ ജോസഫ് കുത്തിപ്പരിക്കേൽപ്പിച്ചത്.
ആക്രമണത്തില്‍ ഗുരുതരമായി പരുക്കേറ്റ സിനിയെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. സംശയരോഗമാണ് ആക്രമണത്തിന് പിന്നിലെന്നാണ് പ്രാഥമിക നിഗമനം.
കഴിഞ്ഞ ദിവസം രാത്രി 10.30 യോടെ കിടപ്പുമുറിയിൽ വെച്ചാണ് ഇയാള്‍ സിനിയുടെ കഴുത്തില്‍ കത്തി ഉപയോഗിച്ച്‌ കുത്തിയത്. ഈ സമയം കുട്ടികള്‍ മറ്റൊരു മുറിയില്‍ ഉറങ്ങികിടക്കുകയായിരുന്നു. ബിനോയിയെ പൊന്‍കുന്നം പൊലീസ് കസ്റ്റഡിയിലെടുത്തിട്ടുണ്ട്. ഇയാള്‍ക്ക് മാനസിക അസ്വാസ്ഥ്യം ഉണ്ടായിരുന്നുവെന്നാണ് പൊലീസ് പറയുന്നത്.
