കുരുന്നുകൾക്ക് ആവേശം പകർന്ന് എം.എൽ.എ ബാസ്ക്കറ്റ്ബോൾ ക്യാമ്പിൽ

പാലാ: പാലാ ചലഞ്ചേഴ്സ് ബാസ്ക്കറ്റ്ബോൾ ക്ലബ്ബിൻ്റെ നേതൃത്വത്തിൽ പാലായിലെ വിവിധ സ്കൂളുകളിലെ കുട്ടികൾക്കായി സംഘടിപ്പിച്ചിരിക്കുന്ന സൗജന്യ ബാസ്ക്കറ്റ്ബോൾ ക്യാമ്പിൽ കുട്ടികളെ പ്രോൽസാഹിപ്പിക്കാൻ മധുര പലഹാരങ്ങളുമായി എം എൽ എ എത്തിയത് കുട്ടികൾക്കു കൗതുകമായി. 

ലക്ഷ്യബോധമുള്ളവരായി വളരണമെന്നും ജീവിതത്തിൽ ഉന്നത വിജയം നേടി കുടുംബത്തിനും രാജ്യത്തിനും അഭിമാന നേട്ടങ്ങൾ നേടണമെന്നും അദ്ദേഹം കുട്ടികൾക്കു നൽകിയ സന്ദേശത്തിൽ ആവശ്യപ്പെട്ടു. 

ക്ലബ്ബ് കോച്ച് മാർട്ടിൻ മാത്യു, ക്ലബ്ബ് പ്രസിഡന്റ് സൂരജ് മണർകാട്ട്, സെക്രട്ടറി ബിജു തെങ്ങുംപള്ളി, ട്രഷർ ബെന്നി കണ്ടത്തിൽ, ബിനോയ് തോമസ്, രാജേഷ്, സജി ജോർജ് ആന്റണി, ജിതിൻ, സുജിത്ത് മാണി, ജിത്തു, സാജൻ, റ്റോണി എന്നിവർ ക്യാമ്പിന് നേതൃത്വം നൽകി.