പാലായിലും സമീപ പ്രദേശങ്ങളിലും നിങ്ങളുടെ വിശേഷാവസരങ്ങൾ HD ലൈവ് സ്ട്രീം ചെയ്യുന്നതിനായി വിളിക്കൂ.. 85901 76743
ഏറ്റുമാനൂർ-ചിങ്ങവനം പാത ഇരട്ടിപ്പിക്കൽ പൂർത്തിയാകുമ്പോൾ കേരളത്തിന്റെ റെയിൽവേ ചരിത്രത്തിൽ ഒരു നാഴികക്കല്ല് കൂടിയാവുകയാണ്.മംഗലാപുരം മുതൽ തിരുവനന്തുപരം വരെയുള്ള 632 കി. മീറ്റർ പാതയാണ് തുറന്നുകൊടുക്കുന്നത്. മൂന്നു പതിറ്റാണ്ടിലേറെയായി, ഘട്ടം ഘട്ടമായി പാതയിരട്ടിപ്പിക്കൽ നടപടി മുന്നോട്ടുപോവുകയായിരുന്നു.സുരക്ഷാ പരിശോധന കഴിഞ്ഞ് മെയ് 28ന് ഇരട്ടപ്പാത തുറന്നു കൊടുക്കാൻ കഴിയുമെന്നാണ് പ്രതീക്ഷിക്കുന്നത്.
ഇരട്ടപ്പാത തുറക്കുന്നത്തോടെ ഉണ്ടാകുന്ന ഗുണങ്ങൾ പലതാണ് ;
- കേരളത്തിലെ റയിൽവെയുടെ പ്രവർത്തനക്ഷമത വർധിക്കും.
-സിംഗിൾ ലൈൻ ആയിരുന്നപ്പോൾ ട്രെയിനുകൾ സ്റ്റേഷനുകളിൽ ക്രോസിങ്ങിനുവേണ്ടി കാത്തു നിൽക്കേണ്ടി വന്ന അവസ്ഥക്ക് മാറ്റം വരും.
-ടൈം ടേബിളിൽ ട്രാഫിക് അലവൻസ് കുറയും. ട്രെയിനുകൾക്ക് സമയനിഷ്ഠ പാലിക്കാൻ കഴിയും.
-ട്രെയിൻ വേഗത വർദ്ധിക്കും.
-കോട്ടയത്തെ പ്ലാറ്റുഫോമുകൾ ഏഴെണ്ണം (7) ആയി.
-കൂടുതൽ ട്രെയിനുകൾ ഓടിക്കാൻ കഴിയും.
-കോട്ടയത്തെ എറണാകുളത്തിന്റെ സബർബൻ നെറ്റ്വർക്കിലേക്ക് ഉൾപ്പെടുത്തി കോട്ടയത്തുനിന്നും മെമു ഉൾപ്പെടെ കൂടുതൽ ട്രെയിൻ സർവീസുകൾ ആരംഭിക്കാം.
കോട്ടയം സ്റ്റേഷന്റെ മുൻഭാഗത്തുനിന്നും 2, 3, 4, 5 എന്നി പ്ലാറ്റുഫോമുകളെ ബന്ധിപ്പിച്ചുകൊണ്ടുള്ള പുതിയ ഫുട് ഓവർ ബ്രിഡ്ജ് വേണമെന്നുള്ള തോമസ് ചാഴികാടൻ എംപി യുടെ ആവശ്യത്തിന് അംഗീകാരം നൽകിയതായി ഡിവിഷണൽ റെയിൽവേ മാനേജർ ആർ മുകുന്ദ് അറിയിച്ചു.
