ഇടമറുക്: രക്തദാനം മഹാദാനം എന്ന മഹത്തായ സന്ദേശം ജനങ്ങളിൽ എത്തിക്കുന്നതിനായി ജില്ലാ ആരോഗ്യ വകുപ്പ്, പാലാ ബ്ലഡ് ഫോറം, ലയൺസ് ഇൻ്റർനാഷണൽ യൂത്ത് എംപയർമെൻ്റ്, അരുവിത്തുറ ലയൺസ് ക്ലബ്ബ്, എച്ച് ഡി എഫ് സി ബാങ്ക് എന്നിവയുടെ സഹകരണത്തോടെ ഇടമറുക് എസ് എം വൈ എം യൂണിറ്റിൻ്റെ നേത്യത്വത്തിൽ നടത്തിയ സന്നദ്ധ രക്തദാന ക്യാമ്പ് ശ്രദ്ധേയമായി.
ഇടമറുക് സെൻ്റ് ആൻ്റണീസ് പള്ളി അങ്കണത്തിൽ നടന്ന ക്യാമ്പ് എസ് എം വൈ എം ഡയറക്ടർ ഫാ. ജോസഫ് കൊച്ചുമുറിയിൽ ഉദ്ഘാടനം ചെയ്തു. പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം രക്തദാനസന്ദേശം നല്കി.
ലയൺസ് ഡിസ്ട്രിക് ചെയർമാൻ സിബി പ്ലാത്തോട്ടം, ഡോക്ടർ റിയാ റെച്ചൽ സൈമൺ, ബാങ്ക് ഡെപ്യൂട്ടി മാനേജർ ശ്രീകുമാർ ജി,
എസ് എം വൈ എം യുണിറ്റ് പ്രസിഡന്റ് ഡോൺ റോബി, സെക്രട്ടറി സിബിൻ സണ്ണി, സിസ്റ്റർ ജോയൽ എസ് എച്ച്, സിസ്റ്റർ റോസ് എസ് എച്ച്, അരുവിത്തുറ ലയൺസ് ക്ലബ്ബ് ഭാരവാഹികളായ ഡോ.കുര്യാച്ചൻ ജോർജ്, ജോജോ പ്ലാത്തോട്ടം, ജോസ് മനയ്ക്കൽ, വി എം മാത്യു , അബ്രാഹം തടിക്കൽ എന്നിവർ ആശംസകൾ അർപ്പിച്ചു.
ക്യാമ്പിൽ അൻപതോളം പേർ രക്തം ദാനം ചെയ്തു. മാതാപിതാക്കളും മക്കളും ഒരുമിച്ച് വന്ന് രക്തം ദാനം ചെയ്തതും ശ്രദ്ധേയമായി. ക്യാമ്പ് നയിച്ചത് ലയൺസ് - എസ് എച്ച് എം സി ബ്ലഡ് ബാങ്ക് കോട്ടയം ആണ്.
പാലാ ബ്ലഡ് ഫോറത്തിൻ്റെയും ലയൺസ് ഡിസ്ട്രിറ്റിന്റെയും നേതൃത്വത്തിൽ ജില്ലയിലെ വിവിധ പ്രദേശങ്ങളിൽ വിദ്യാഭ്യാസ സ്ഥാപനങ്ങളുടേയും വിവിധ സംഘടനകളുടേയും സഹകരണത്തോടെ രക്തദാന ക്യാമ്പുകൾ നടത്തി വരികയാണെന്ന് പാലാ ബ്ലഡ് ഫോറം ജനറൽ കൺവീനറും ലയൺസ് ഡിസ്ട്രിക് ചെയർപേഴ്സണും ആയ ഷിബു തെക്കേമറ്റം പറഞ്ഞു . ക്യാമ്പുകൾ നടത്തുവാൻ തയാറായിട്ടുള്ള സംഘടനകൾക്കും വ്യക്തികൾക്കും 9447043388 എന്ന നമ്പരിൽ ബന്ധപ്പെടാവുന്നതാണ്.
