പാലാ: 5 K നേവൽ എൻ സി സി യൂണിറ്റ് ചങ്ങനാശ്ശേരിക്ക് കീഴിൽ പ്രവർത്തിക്കുന്ന പാലാ സെന്റ് തോമസ് കോളേജ് നേവൽ വിങിലെ കേഡറ്റുമാരായ ജോ ജെ ജോസഫ് , ഭരത് എസ് എന്നിവർ ഒക്ടോബർ 2 മുതൽ 12 വരെ വിശാഖപട്ടണത്ത് നടന്ന ഓൾ ഇന്ത്യ നൗ സൈനിക് ക്യാമ്പിൽ പങ്കെടുത്ത് വെള്ളി മെഡൽ കരസ്ഥമമാക്കി.
കൊല്ലത്തും കൊച്ചി നേവൽ ബേസിലുമായി നടന്ന അഞ്ചു ദശദിന ക്യാമ്പുകളിലെ മികച്ച പ്രകടനത്തിലൂടെയാണ് കേരള & ലക്ഷദ്വീപ് ഡയറക്ടറേറ്റിനെ പ്രതിനിധീകരിച്ച് നൗ സൈനിക് ക്യാമ്പിൽ പങ്കെടുക്കാൻ യോഗ്യത നേടിയത്. സെമാഫോർ, ഡ്രിൽ എന്നീ ഇനങ്ങളിൽ കേഡറ്റ്സ് പങ്കെടുക്കുകയും ഡ്രിൽ കോംപ്പെറ്റീഷനിൽ കേരള ഡയറക്ടറേറ്റിനു വേണ്ടി വെള്ളി മെഡൽ നേടുകയും ചെയ്തു.
ചെങ്ങന്നൂർ കാടുവെട്ടൂർ വീട്ടിൽ ജോസഫ് - മറിയമ്മ മകൻ ജോ രണ്ടാം വർഷ ബിസിഎ വിദ്യാർത്ഥിയും കോഴിക്കോട് കുറ്റ്യാടി തേങ്ങാക്കല്ലുങ്കൽ വീട്ടിൽ സുഗുണൻ - ശ്രീജ മകൻ ഭരത് രണ്ടാം വർഷ ബോട്ടണി വിദ്യാർത്ഥിയുമാണ്.
സെന്റ് തോമസ് കോളേജ് പ്രിൻസിപ്പൽ ഫാ. ജെയിംസ് ജോൺ മംഗലത്ത്, വൈസ് പ്രിൻസിപ്പൽമാരായ ജോജി അലക്സ് , ഡോ. ഡേവിസ് സേവ്യർ എൻസിസി നേവൽ വിങ് സിറ്റിഒ ഡോ. അനീഷ്‌ സിറിയക്, കേഡറ്റ് ക്യാപ്റ്റൻ ശ്രീജിത്ത്‌ വി, പിഒസി മാരായ അഭിജിത് പി അനിൽ, വിശാൽ കൃഷ്ണ, നിഖിൽ ജോഷി, മറ്റു അധ്യാപകരും ഈ നേട്ടം കൈവരിച്ചതിൽ അഭിനന്ദനങ്ങൾ അറിയിച്ചു.
ഓൾ ഇന്ത്യ നൗ സൈനിക് ക്യാമ്പിൽ പങ്കെടുക്കാൻ സാധിച്ച കേഡറ്റ്സ്, സെന്റ് തോമസ് കോളേജിനും നേവൽ വിങ്ങിനും പ്രചോദനവും അഭിമാനവുമാണ്.
