തിരുവല്ല നഗരസഭ തിരിച്ചു പിടിച്ച് യു.ഡി.എഫ്

പത്തനംതിട്ട: തിരുവല്ല നഗരസഭ ഭരണം തിരിച്ചു പിടിച്ച് യു.ഡി.എഫ്. യു.ഡി.എഫിലെ അനു ജോർജ് 15-ന് എതിരെ 17 വോട്ടുകൾക്ക് വിജയിച്ചു.

39 കൗൺസിലിൽ 32 അംഗങ്ങൾ വോട്ട് ചെയ്തപ്പോൾ 17 പേർ യു.ഡി.എഫിന് അനുകൂലമായി വോട്ട് ചെയ്തു. 15 പേർ എൽ.ഡി.എഫ്. സ്ഥാനാർത്ഥി ആയിരുന്ന ലിന്റ ജേക്കബ് വഞ്ചിപ്പാലത്തിന് വോട്ട് ചെയ്തു. ബി.ജെ.പിയിലെ ആറ് അംഗങ്ങളും എസ്.ഡി.പി.ഐ. അംഗവും വോട്ടിങ്ങിൽ നിന്നും വിട്ടുനിന്നു.

എൽ.ഡി.എഫിന്റെ പിന്തുണയോടെ വിജയിച്ച ശാന്തമ്മ വർഗീസ് രാജിവച്ച സാഹചര്യത്തിലാണ് ചെയർപേഴ്സൺ തിരഞ്ഞെടുപ്പ് നടന്നത്.