പെരുമ്പാവൂർ നിന്നും ചെങ്ങന്നൂർക്ക് പോകുകയായിരുന്ന പാഴ്സൽ ലോറിയാണ് കൂത്താട്ടുകുളം ടൗണിൽ അപകടത്തിൽപ്പെട്ടത്. സ്കൂട്ടറും ബൈക്കും ഉൾപ്പെടെ 4 വാഹനങ്ങൾ ലോറി ഇടിച്ചു തകർത്തിട്ടുണ്ട്.
റോഡരികിൽ സംസാരിച്ചുകൊണ്ടിരുന്ന കിഴകൊമ്പ് വട്ടംകുഴിയിൽ പെരുമ്പിള്ളി പുത്തൻപുരയിൽ ടി ജെ ജോയി (72), കിഴകൊമ്പ് ഇരപ്പുങ്കൽ രാജു എന്നിവർക്ക് പരിക്ക് പറ്റി. രണ്ടുപേരെയും അപ്പോൾ തന്നെ കൂത്താട്ടുകുളത്തുള്ള സ്വകാര്യ ആശുപത്രിയിൽ എത്തിച്ചു.
ഗുരുതരമായി പരിക്ക് പറ്റിയ ടിജെ ജോയി രാജഗിരി ആശുപത്രിയിൽ എത്തിച്ചെങ്കിലും
ഉടൻ തന്നെ മരണം സംഭവിച്ചു.ലോറിയുടെ ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പ്രാഥമിക നിഗമനം.
