കെ.പി.സി.സി ശാസ്ത്ര വേദി ഉമ്മൻ ചാണ്ടി അനുസ്മരണ സമ്മേളനം നടത്തി

കൊച്ചി: കെ.പി.സി.സി ശാസ്ത്ര വേദി എറണാകുളം ജില്ലാ കമ്മിറ്റി ഉമ്മൻ ചാണ്ടി അനുസ്മരണ സമ്മേളനം നടത്തി. അഖിലേന്ത്യ കോൺഗ്രസ് കമ്മിറ്റി അംഗവും മുൻ പി.എസ്.സി മെമ്പറുമായിരുന്ന സിമി റോസ് ബെൽ ജോൺ ഉദ്ഘാടനം ചെയ്തു. 

മുൻ മുഖ്യമന്ത്രി ഉമ്മൻ ചാണ്ടിയുടെ സ്മരണ നിലനിർത്താൻ തിരുവനന്തപുരം-കോട്ടയം എം.സി റോഡിന് ഒ.സി റോഡ് (ഉമ്മൻ ചാണ്ടി ) എന്ന് പുനർനാമകരണം ചെയ്യണമെന്ന് സിമി റോസ് ബെൽ ജോൺ സർക്കാരിനോട് ആവശ്യപ്പെട്ടു. 

കഴിഞ്ഞ 53 വർഷക്കാലം ജനപ്രതിനിധി ആയി അദ്ദേഹം സഞ്ചരിച്ചതും വിലാപയാത്ര കടന്ന് പോയതുമായ ഈ റോഡിന്റെ ചരിത്ര സ്മരണ പുതുതലമുറക്ക് പകർന്നു നൽകാൻ ഒ.സി റോഡ് എന്ന പുനർനാമകരണം നടത്താൻ സർക്കാർ തയ്യറാകണമെന്ന് അവർ ആവശ്യപ്പെട്ടു.

ഉമ്മൻ ചാണ്ടിയുടെ അലങ്കരിച്ച ഛായ ചിത്രത്തിന് മുൻപിൽ പുഷ്പാർച്ചന, സർവ്വമത പ്രാർത്ഥന, അനുസ്മരണം, തിരി കത്തിക്കൽ, സ്മരണാജ്ഞലി എന്നിവ നടത്തി. അനുസ്മരണ സമ്മേളനവും ജില്ല നേതൃയോഗ ഉൽഘാടനവും സിമി റോസ് ബെൽ ജോൺ നിർവ്വഹിച്ചു. ജില്ല പ്രസിഡൻറ് ലിജോ ജോൺ അധ്യക്ഷത വഹിച്ചു. 

വിജയൻ പി മുണ്ടിയാത്ത്, ജോജോ മനക്കൽ, വി.കെ.ശശിധരൻ, ഷൈബി പാപ്പച്ചൻ സക്കറിയ കട്ടിക്കാരൻ, ജോജി പനത്തറ, ടി എൻ പ്രേംലാൽ, മുഹമ്മദ് ജെറീസ്, ഫസ്ലു റഹ്മാൻ, ആരോൺ സ്രാമ്പിക്കൽ, ഗിൽബർട്ട് ലൈജൻ, ഇമ്മാനുവൽ ബിനോയി, ആഷ്ലിൻ ലൂവീസ്, ആഗ്സ്തി ജൂസാ എന്നിവർ പ്രസംഗിച്ചു.