സ്വാതന്ത്ര്യ ദിനം വർണാഭമായി ആഘോഷിച്ച് പൂഞ്ഞാർ ഗവ.എൽ.പി സ്കൂൾ

പൂഞ്ഞാർ: സ്വാതന്ത്ര്യത്തിന്റെ 76ാം വാർഷികം വർണാഭമായ പരിപാടികളോടെ ആഘോഷിച്ച് ഗവ.എൽ.പി സ്കൂൾ പൂഞ്ഞാർ. രാവിലെ 9 ന് പഞ്ചായത്ത് പ്രസിഡന്റ് ഗീത നോബിൾ ദേശീയ പതാക ഉയർത്തിയതോടെ സ്വാതന്ത്ര്യ ദിനാഘോഷ പരിപാടികൾ ആരംഭിച്ചു. 

നെഹ്‌റു, ഗാന്ധിജി, ഭാരതമാതാ തുടങ്ങി നിരവധി വേഷങ്ങളിൽ എത്തിയ കുട്ടികൾ പരിപാടിയുടെ മാറ്റുകൂട്ടി. കുട്ടികൾക്കൊപ്പം രക്ഷിതാക്കളും സ്വാതന്ത്ര്യ ദിനാഘോഷ പരിപാടികളിൽ പങ്കാളികളായി. 

സ്കൂൾ ഹെഡ്മിസ്ട്രസ് സജിമോൾ കുട്ടികൾക്ക് സ്വാതന്ത്ര്യ ദിന സന്ദേശം നൽകി. തുടർന്ന് കുട്ടികളുടെ കലാപരിപാടികൾ നടന്നു. രക്ഷിതാക്കൾക്കായി സ്വാതന്ത്ര്യ ദിന ക്വിസ് മത്സരം നടത്തി.