കോന്നി ബ്ലോക്ക് പ്രസിഡന്റ് സ്ഥാനം യുഡിഎഫിന്

കോന്നി ബ്ലോക്ക് പഞ്ചായത്ത് പ്രസിഡന്റ് സ്ഥാനം യുഡിഎഫ് തിരിച്ചുപിടിച്ചു. കൂറുമാറി എൽഡിഎഫിലെത്തി ഭരണം അട്ടിമറിച്ച് പ്രസിഡന്റായ ജിജി സജിയെ തിരഞ്ഞെടുപ്പ് കമ്മിഷൻ അയോഗ്യയാക്കി. തുടർന്ന് നടത്തിയ തിരഞ്ഞെടുപ്പിലാണ് യുഡിഎഫിലെ എം.വി.അമ്പിളി തിരത്തെടുക്കപ്പെട്ടത്. 

ആലപ്പുഴ നഗരസഭാ ചെയർപഴ്സനായി സിപിഎമ്മിലെ കെ.കെ.ജയമ്മയെ തിരഞ്ഞെടുത്തു. കൗൺസിൽ ഹാളിൽ നടന്ന തിരഞ്ഞെടുപ്പിൽ കോൺഗ്രസ് സ്ഥാനാർഥി അമ്പിളി അരവിന്ദിനെയാണ് പരാജയപ്പെടുത്തിയത്. 

ജയമ്മയ്ക്ക് 35 വോട്ട് ലഭിച്ചു. എൽഡിഎഫിലെ ധാരണപ്രകാരം സിപിഎമ്മിലെ തന്നെ സൗമ്യരാജ് രാജിവച്ച ഒഴിവിലാണ് തിരഞ്ഞെടുപ്പ് നടന്നത്.