അനീൽ റ്റി.ആർ മികച്ച കർഷകൻ, എ.ജെ ജോൺ മുതിർന്ന കർഷകൻ

ഉഴവുർ: ഉഴവുർ ഗ്രാമപഞ്ചായത്തും കൃഷിഭവനും കാർഷിക വികസന സമിതിയും ഉഴവുർ സർവീസ് സഹകരണ ബാങ്കും സംയുക്തമായി സംഘടിപ്പിക്കുന്ന കാർഷിക ദിനാഘോഷത്തിൻ്റെ ഭാഗമായി വിവിധ വിഭാഗങ്ങളിലെ കർഷകരെ തിരഞ്ഞെടുത്തു. 

മികച്ച കർഷകനായി അനീൽ റ്റി.ആർ തെക്കേചൂരനാലും ജൈവ കർഷകനായി ജോയി പൈലി അഞ്ചാം തടത്തിലും വനിതാ കർഷകയായി വത്സ രഘു പാറയിലും എസ്.സി വിഭാഗ കർഷകയായി തങ്കമ്മ കുളങ്ങാട്ടുപാറയിലും വിദ്യാർത്ഥി കർഷകനായി സ്റ്റാൻലി സ്റ്റീഫൻ കുഴിപ്ലാക്കിലും സമ്മിശ്ര കർഷകനായി ജോർജ്ജ് ചെറിയാൻ നടുപ്പറമ്പിലും ക്ഷീര കർഷകനായി സാലസ് എബ്രാഹം തൊട്ടിയിലും തേനിച്ച കർഷകനായി തോമസ് ജോർജ്ജ് വള്ളിപ്പാലവും മുതിർന്ന കർഷകനായി എ.ജെ ജോൺ അഞ്ചാംതടത്തിലേനയും തെരഞ്ഞെടുത്തു. 

ചിങ്ങം ഒന്ന് വ്യാഴാഴ്ച രാവിലെ പത്തിന് ഉഴവുർ ജയ് ഹിന്ദ് പബ്ലിക് ലൈബ്രറി ഹാളിൽ വെച്ച് നടക്കുന്ന കർഷക ദിനാചരണ പരിപാടിയിൽ വെച്ച് ജേതാക്കളെ ആദരിക്കും