ഈ ആഴ്ച തെക്കൻ–മധ്യ കേരളത്തിലെ ഒറ്റപ്പെട്ട ഇടങ്ങളിൽ ലഘു മേഘവിസ്ഫോടനം ഉൾപ്പെടെ കനത്ത മഴയ്ക്കു സാധ്യതയെന്നു കാലാവസ്ഥാ നിരീക്ഷകർ അറിയിക്കുന്നു.
വളരെ കുറച്ചു സമയത്തിനുള്ളിൽ 10 സെന്റിമീറ്റർ വരെ മഴ പെയ്യിക്കാവുന്ന കൂമ്പാരമേഘങ്ങളുടെ സാന്നിധ്യം ഈ ദിവസങ്ങളിൽ ഉണ്ടായേക്കും. മലയോര മേഖലയിലാണു ലഘു മേഘവിസ്ഫോടനത്തിനു നിലവിൽ കൂടുതൽ സാധ്യത.
മണ്ണിടിച്ചിൽ, ഉരുൾപൊട്ടൽ സാധ്യത നിലനിൽക്കുന്നതിനാൽ മലയോര മേഖലയിലുള്ളവർ ജാഗ്രത പാലിക്കണമെന്നു കാലാവസ്ഥാ വിദഗ്ധർ പറഞ്ഞു. കഴിഞ്ഞ ദിവസം പത്തനംതിട്ട ജില്ലയിലെ കക്കിയിൽ അതിതീവ്ര മഴയായ 22.5 സെന്റിമീറ്റർ രേഖപ്പെടുത്തിയിരുന്നു.
.jpg)
