കൺസ്ട്രക്ഷൻ എക്യുപ്മെന്റ് ഓണേഴ്സ് അസോസിയേഷൻ കോട്ടയം ജില്ലാ സമ്മേളനം 2023 നവംബർ 5 ഞായറാഴ്ച പാലാ സെന്റ് തോമസ് കോളേജ് ക്യാമ്പസ് ഹാളിൽ നടക്കും. സഹകരണ രജിസ്ട്രേഷൻ വകുപ്പ് മന്ത്രി വി എൻ വാസവൻ ഉദ്ഘാടനം നിർവ്വഹിക്കും. ജോസ് കെ. മാണി എം പി, മാണി സി കാപ്പൻ എം എൽ എ തുടങ്ങിയവർ വിശിഷ്ടാതിഥികളായിരിക്കും.
സന്തോഷ് മരിയസദനത്തെ ചടങ്ങിൽ ആദരിക്കും. CEOA സംസ്ഥാന പ്രസിഡന്റ് ജിജി കടവിൽ, സെക്രട്ടറി സമീർ ബാബു, പാലാ നഗരസഭ അധ്യക്ഷ ജോസിൻ ബിനോ, ജില്ലാ കമ്മിറ്റി അംഗങ്ങൾ തുടങ്ങിയവർ സമ്മേളനത്തിൽ പങ്കെടുക്കും.
CEOA സംഘടന രൂപീകരിച്ച് 5 വർഷക്കാലം കൊണ്ട് നിരവധിയായ ക്ഷേമ പ്രവർത്തനങ്ങൾ നടപ്പിലാക്കിയിട്ടുണ്ടെന്ന് ഭാരവാഹികൾ അറിയിച്ചു. നിലവിൽ ഒരു അംഗം മരണപ്പെട്ടാൽ അഞ്ചു ലക്ഷം രൂപയുടെ ആശ്രയ ധനസഹായ പദ്ധതി ആവിഷ്കരിച്ച് നടപ്പിലാക്കാൻ സംഘടനയ്ക്ക് സാധിച്ചതായും അവർ പറഞ്ഞു.
പത്ര സമ്മേളനത്തിൽ ജില്ലാ പ്രസിഡന്റ് സുബാഷ് പൈക, ജില്ലാ സെക്രട്ടറി അരുൺ കുളംപള്ളിൽ, ജില്ലാ ട്രഷറർ ബിജു മോൻ, കെഎസ് ജിനീഷ് കട്ടച്ചിറ, വരുൺഘോഷ് , ഷിനോയ് കൊഴുവനാൽ എന്നിവർ വാർത്താസമ്മേളനത്തിൽ പങ്കെടുത്ത് സംസാരിച്ചു.
