ഐ.എൻ.ടി.യു.സി മണ്ഡലം സമ്മേളനവും ഉമ്മൻ ചാണ്ടി നൂറാം ദിന അനുസ്മരണവും നടത്തി

ഐ.എൻ.ടി.യു.സി മഞ്ഞപ്ര മണ്ഡലം സമ്മേളനവും മുൻ മുഖ്യമന്ത്രി ഉമ്മൻ ചാണ്ടിയുടെ നൂറാംദിന അനുസ്മരണവും ഐ.എൻ.ടി.യു.സി സംസ്ഥാന സെക്രട്ടറിയുമായിരുന്ന പി.ടി. പോൾ അനുസ്മരണവും മഞ്ഞപ്രയിൽ

നടത്തി.

വടക്കുംഭാഗം ഐ.എൻ.ടി.യു.സി ലേബർ സെന്ററിൽ നടന്ന സമ്മേളനം നിയോജക മണ്ഡലം പ്രസിഡൻറ് ഷാഗിൻ കണ്ടത്തിൽ ഉദ്ഘാടനം ചെയ്തു. മണ്ഡലം പ്രസിഡൻറ് ജോസൺ വി. ആൻറണി അധ്യക്ഷത വഹിച്ചു.

പൊതു ജനങ്ങൾക്കും വ്യാപാരികൾക്കും ഉണ്ടായിട്ടുള്ള പ്രയാസം പരിഹരിക്കാൻ മഞ്ഞപ്രയിൽ പൊതു മാർക്കറ്റിന്റെ നിർമ്മാണം ഉടൻ ആരംഭിക്കുക, ചാറ്റു പാടത്തെ സ്വകാര്യ ബസ് സ്റ്റാൻറ് പ്രവർത്തനക്ഷമമാക്കുക, വടക്കുംഭാഗത്ത് പൊതു ടോയ്ലെറ്റ് നിർമ്മിക്കുക എന്നി വിവിധ ആവശ്യങ്ങൾ സമ്മേളനം ഉന്നയിച്ചു.

ഐ.എൻ.ടി.യു.സി ജില്ല സെക്രട്ടറി എം.വി.ദേവസി, ജോഷി പടയാടൻ, സിബി കണ്ണോത്താൻ, ബൈജു കൈ താരത്ത്, അലക്സ് ആൻറു, രാജു ഡേവീസ്, കെ.സോമശേഖരൻ പിള്ള , ജോയ് അറയ്ക്ക, ദിനു ജോർജ് , ഷിജോ മാടൻ, ഷൈബി പാപ്പച്ചൻ എന്നിവർ പ്രസംഗിച്ചു.