പാലാ: മാണി സി കാപ്പൽ എം എൽ എ യുടെ ആസ്‌തി വികസന ഫണ്ട് 62 ലക്ഷം രൂപ വിനിയോഗിച്ച് നവീകരിച്ച ഞൊണ്ടിമാക്കൽ കവല പുലിമലക്കുന്ന് റോഡ് ഉദ്ഘാടനം ചെയ്തു. ഞൊണ്ടി മാക്കൽ കവലയിൽ മാണി സി കാപ്പൻ എം എൽ എ ഉദ്ഘാടനം നിർവ്വഹിച്ചു.
6-ാം വാർഡ് കൗൺസിലറും നഗരസഭ വിദ്യാഭ്യാസ സ്റ്റാൻ്റിംഗ് കമ്മറ്റി ചെയർമാന്മായ ബൈജു കൊല്ലംപറമ്പിൽ അദ്ധ്യക്ഷത വഹിച്ചു. പാലാ രൂപതാ വികാരി ജനറാളും ചൂണ്ടച്ചേരി എൻജനീയറിംഗ് കോളേജ് മാനേജിംഗ് ഡയറക്ടറുമായ റവ.ഫാദർ ജോസഫ് മലേപറമ്പിൽ മുഖ്യ പ്രഭാഷണം നടത്തി.
പാലാ മരിയസദനം ഡയറക്ടർ സന്തോഷ് മരിയ സദനം, നഗരസഭ എത്ത ബോണി എസ്.മാർട്ടിൻ മിറ്റത്താനി, ജിബിൻ മൂഴിപ്ലാക്കൽ, മാർട്ടിൻ മിറ്റത്താനി, കെ.റ്റി ജോസഫ്, ജോസ് വേര നാനി, ജിജി തൈച്ചു പറമ്പിൽ, ജോണി ചക്കാലയിൽ, റോയി കുടില പറമ്പിൽ, മൈക്കിൾ കാവുകാട്ട്,, കിരൺ അരീക്കൽ, എ എസ് തോമസ് തുടങ്ങിയവർ പ്രസംഗിച്ചു.
പാലാ മരിയ സദനത്തിലേയ്ക്കും ചൂണ്ടച്ചേരി എഞ്ചനീയറിംഗ് കോളേജിലേയ്ക്കും ഒട്ടനവധി ആളുകൾ താമസിക്കുന്നിടത്തേയ്ക്കുമുള്ള ഈ റോസ് നവീകരിക്കാൻ കഴിഞ്ഞത് അഭിമാന നേട്ടമാണെന്ന് എം എൽ എ മാണി സി കാപ്പൻ പറഞ്ഞു. മാണി സി കാപ്പനെ ബൈജു കൊല്ലംപറമ്പിൽ പൊന്നാട ഇട്ട് സ്വീകരിച്ചു. കോൺടാക്ടർ ഉണ്ണി അരവിന്ദിന് എം.എൽ.എ മാണി കാപ്പൻ പൊന്നാടയും മെമൻ്റോയും നൽകി. നഗരസഭ എ ഇ ബോണി എസ് നെ എം എൽ എ പൊന്നാട അണിയിച്ചു.
