അരുവിത്തുറ സെന്റ് ജോർജ് സ്കൂളിൽ സമ്മർ കോച്ചിംഗ് ക്യാമ്പ് ആരംഭിച്ചു

അരുവിത്തുറ സെന്റ് ജോർജ് സ്കൂളിൽ ഫുട്ബോൾ, വോളിബോൾ, ഹാൻഡ് ബോൾ, അത്‌ലറ്റിക്സ് എന്നിവയിൽ പരിശീലനം ആരംഭിച്ചു. ഹെഡ്മാസ്റ്റർ ജോബിൻ തോമസ് ക്യാമ്പ് ഉദ്ഘാടനം ചെയ്തു. 

കഴിഞ്ഞ വർഷം ഉപജില്ല, ജില്ലാ മത്സരങ്ങളിൽ ഗെയിംസ്, അത്‌ലറ്റിക്സ് ഇനങ്ങളിൽ മികച്ച വിജയം കൈവരിക്കാൻ സ്കൂളിന് സാധിച്ചു. ഉപജില്ല കായികമേളയിൽ ഫുട്ബോളിലും ഹാൻഡ് ബോളിലും അരുവിത്തുറ സെന്റ് ജോർജ് സ്കൂൾ ചാമ്പ്യന്മാരായിരുന്നു. അത് ലറ്റിക്സ് ഇനങ്ങളിലും മികച്ച വിജയം കൈവരിച്ചു. 

പരിശീലനം അരുവിത്തുറ സെന്റ്.ജോർജ് സ്റ്റേഡിയത്തിൽ നടക്കുന്നു. പരിശീലനത്തിന് ജോസ് പി.ടി, ജോബി ജോസഫ് എന്നിവർ നേതൃത്വം കൊടുക്കുന്നു.