ഏകദേശം മൂന്നുമാസത്തെ ഇടവേളക്ക് ശേഷം ഊബർ, ഒല വാഹനങ്ങൾ നിരത്തിലിറങ്ങുന്നു. രാജ്യത്തെ പ്രധാന നഗരങ്ങളിലെല്ലാം വരും ദിവസങ്ങളിൽ തന്നെ സർവ്വീസ് പുനരാരംഭിക്കും എന്ന് കമ്പനികൾ അറിയിച്ചു. ലോക്ക്ഡൗണിന്റെ നാലംഘട്ടത്തിൽ ആഭ്യന്തര വകുപ്പ് പുറത്തിറക്കിയ മർഗ്ഗരേഖയിലാണ് ടാക്സി സർവ്വീസിന് അനുമതി നൽകിയിരിക്കുന്നത്. അതേസമയം ഡ്രൈവറുടെയും യാത്രക്കാരുടെയും സുരക്ഷ ഉറപ്പാക്കികൊണ്ടായിരിക്കണം സർവീസ് എന്ന കർശന നിർദേശവും കമ്പനികൾക്ക് നൽകിയിട്ടുണ്ട്.
യാത്രക്കാർ ശ്രദ്ധിക്കേണ്ട കാര്യങ്ങൾ
1. എപ്പോഴും മാസ്‌ക് ധരിക്കുക. നിങ്ങൾക്ക് രോഗലക്ഷണങ്ങൾ ഇല്ലെങ്കിലും മാസ്‌ക് ധരിക്കേണ്ടത് അത്യാവശ്യം ആണ്.
2. മുൻ സീറ്റിൽ ഇരിക്കരുത്. സർക്കാർ നിർദ്ദേശപ്രകാരം യാത്രക്കാർ മുൻസീറ്റിൽ ഇരിക്കാൻ പാടുള്ളതല്ല.
3. യാത്രക്കാരുടെ ലഗ്ഗേജ് അവരവർ തന്നെ കൈകാര്യം ചെയ്യുക. ഡ്രൈവറുമായുള്ള അനാവശ്യ സമ്പർക്കം ഒഴിവാക്കാനാണിത്.
4. വാഹനത്തിൽ പ്രവേശിക്കുമ്പോഴും ഇറങ്ങുമ്പോഴും സാനിറ്റൈസർ ഉപയോഗിക്കുക. സാധ്യമാകുമെങ്കിൽ ഡോറും സാനിറ്റൈസ് ചെയ്യുക
ഡ്രൈവർമാർ ശ്രദ്ധിക്കേണ്ട കാര്യങ്ങൾ
1.ഓരോ റൈഡിന് ശേഷവും വാഹനം പൂർണമായും അണുവിമുക്തമാക്കണം.
2 ഫ്രഷ് എയർ മോഡിൽ മാത്രമേ വാഹനത്തിലെ എയർ കണ്ടിഷനർ ഉപയോഗിക്കാവുള്ളു.
