പാലാ: പാലാ ബ്ലഡ് ഫോറത്തിൻ്റെ നേതൃത്വത്തിൽ കൊടുമ്പിടി വിസിബിൻ്റെ സഹകരണത്തോടെ നിർദ്ധനരായ വിദ്യാർത്ഥികൾക്ക് പഠന സഹായവുമായി ജനമൈത്രി പോലീസ്.
ഓൺലൈൻ പഠനം ആരംഭിച്ചപ്പോൾ മുതൽ വിവിധ സംഘടനകളുടെയും സ്ഥാപനങ്ങളുടെയും സഹകരണത്തോടെ പാലാ ബ്ലഡ് ഫോറം ജനമൈത്രി പോലീസിൻ്റെ നേതൃത്വത്തിൽ ജില്ലയിലെ വിവിധ പ്രദേശങ്ങളിൽ വിദ്യാർത്ഥികൾക്ക് പഠനത്തിനാവശ്യമായ ടെലിവിഷനുകളും മൊബൈൽ ഫോണുകളും വിതരണം ചെയ്തു വരുകയാണ്.
ശിശുദിനത്തോടനുബന്ധിച്ച് ജനമൈത്രി പോലീസ് വിവിധ പ്രദേശങ്ങളിലായി കുട്ടികൾക്ക് പഠനോപകരണങ്ങളും വസ്ത്രങ്ങളും മധുര പലഹാരങ്ങളും വിതരണം ചെയ്തതിൻ്റെ ഭാഗമായിട്ടാണ് പ്രവിത്താനം സ്കൂളിലെ വിദ്യാർത്ഥിക്ക് കൊടുമ്പിടി വിസിബിൻ്റെ സഹകരണത്തോടെ മൊബൈൽ ഫോൺ നൽകിയത്. വിസിബ് സെക്രട്ടറി കെ സി തങ്കച്ചൻ്റെ അദ്ധ്യക്ഷതയിൽ ചേർന്ന യോഗത്തിൽ പാലാ ഡി വൈ എസ് പി സാജു വർഗീസ് മൊബൈൽ ഫോണിൻ്റെയും പoനോപകരണങ്ങളുടെയും വിതരണം നടത്തി. പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം, പാലാ എസ് എച്ച് ഓ അനൂപ് ജോസ്, ജനമൈത്രി സി ആർ ഓ ഷാജിമോൻ എ റ്റി, ബ്ലഡ് ഫോറം ഡയറക്ടർ ബോർഡംഗങ്ങങ്ങളായ സജി വട്ടക്കാനായിൽ, കെ ആർ സൂരജ്, ബീറ്റ് ഓഫീസർമാരായ സുദേവ് എസ്, പ്രബു കെ ശിവറാം എന്നിവർ പങ്കെടുത്തു
