ദയ പാലിയേറ്റീവ് കെയർ സൊസൈറ്റിയുടെ ഓണാഘോഷ പരിപാടികൾ നടന്നു. നിഷ ജോസ് കെ. മാണി ഉദ്ഘാടന കർമ്മം നിർവ്വഹിച്ചു. യോഗത്തിൽ ദയ ചെയർമാൻ ജയകൃഷണൻ അദ്ധ്യക്ഷത വഹിച്ചു.
പാല റോട്ടറി ക്ലബ്ബ് പ്രസിഡൻ്റ് പി.വി ജോർജ്, മുൻ റോട്ടറി പ്രസിഡൻ്റും ഐഎംഎ പാല മുൻ പ്രസിഡന്റുമായ ജോർജ് എഫ് മൂലയിൽ, ദയ ജോയിൻ്റ് സെക്രട്ടറിയും എംജി യൂണിവേഴ്സിറ്റി സ്കൂൾ ഓഫ് ബിഹേവിയറൽ സയൻസ് ഡയറക്ടറും പ്രൊഫസറുമായ ഡോ. പിടി ബാബുരാജ്, ദയ സെക്രട്ടറി രാജീവ് കല്ലറയ്ക്കൽ, ദയ ജനറൽ കൗൺസിൽ അംഗം ഷീലറാണി ജയചന്ദ്രൻ എന്നിവർ പ്രസംഗിച്ചു.
100 ഓളം ഭിന്നശേഷിക്കാർ പങ്കെടുത്ത യോഗത്തിൽ ഭക്ഷണക്കിറ്റ് ,മെഡിക്കൽ കിറ്റ്, ഓണക്കോടികൾ എന്നിവ വിതരണം ചെയ്തു. ഭിന്നശേഷിക്കാർക്ക് വേണ്ടി വള്ളംകളി, ഓണപ്പാട്ട്, വടംവലി തുടങ്ങിയവയും സംഘടിപ്പിച്ചു.
