ജെ.സി.ഐ പാലാ സൈലോഗ്സിന്റെ ആഭിമുഖ്യത്തിൽ കെഎസ്ഇബിയിൽ നീണ്ട പതിനെട്ട് വർഷത്തെ സുത്യർഹമായ സേവനത്തിന് പി.എൻ ഗോപാലകൃഷ്ണൻ നായർക്ക് ഉപഹാരങ്ങൾ നൽകി ആദരിച്ചു.
പൊതുസമൂഹത്തിന്റെ പ്രശ്നങ്ങളിൽ ദൈനംദിനം ഇടപെടുകയും, പ്രോത്സാഹനങ്ങളോ അംഗീകരങ്ങളോ ലഭിക്കാതെ സാമൂഹിക ജീവിതത്തിന്റെ ഭാഗമായി മാറിയ നക്ഷത്രങ്ങളെ കണ്ടെത്തി അവർക്ക് പ്രോത്സാഹനവും അംഗീകാരവും നൽകുന്നതിനായി ജെ.സി.ഐ ഇന്ത്യ ആവിഷ്കരിച്ച സല്യൂട്ട് ദി സൈലന്റ് വർക്കേഴ്സ് എന്ന പരിപാടിയുടെ ഭാഗമായിട്ടാണ് അദ്ദേഹത്തെ ആദരിച്ചത്.
ജെ.സി.ഐ പാലാ സൈലോഗസിന്റെ പ്രസിഡൻറ് ജെ.സി.ഐ സെനെറ്റർ അലക്സ് ടെസ്സി ജോസിന്റെ നേതൃത്വത്തിൽ പൂഞ്ഞാറിൽ നടന്ന യോഗത്തിൽ ഈരാറ്റുപേട്ട ബ്ലോക്ക് പഞ്ചായത്ത് മെമ്പർ അജികുമാർ ബി മുഖ്യാതിഥിയായി.
ചടങ്ങിൽ പ്രമുഖ സാംസ്കാരിക, രാഷ്ട്രീയ പ്രവർത്തകരായ എബി കിഴക്കേത്തോട്ടം , ചാർളി അലക്സ്, സുബ്രഹ്മണ്യൻ പുത്തൻകൈപ്പുഴ, എന്നിവരോടൊപ്പം ജെ. സി. ഐ. പാലാ സൈലോഗ്സിന്റെ പ്രതിനിധികളായ ജെ. സി. അനുപ എബ്രാഹം, ജെ. സി. ഡോ.മറീന, ജെ സി. ജുബി മൂഴിയാങ്കൽ എന്നിവരും പങ്കെടുത്തു.
