പാലാ സോഷ്യൽ വെൽഫെയർ സൊസൈറ്റി പാലാ രൂപത കോർപ്പറേറ്റ് എജ്യൂക്കേഷൻ ഏജൻസിയുടെ നേതൃത്വത്തിൽ സ്കൂൾ ജൈവകൃഷി മത്സരം 2023-24 സംഘടിപ്പിക്കുന്നു.
മികച്ച സ്കൂൾ, പിടിഎ, മികച്ച അദ്ധ്യാപക-വിദ്യാർത്ഥി പുരസ്കാരം എന്നിവയും പദ്ധതിയുടെ ഭാഗമായി ഏർപ്പെടുത്തിയിട്ടുണ്ട്. പദ്ധതി പ്രഖ്യാപന സമ്മേളനം ജൂൺ 23 വെള്ളിയാഴ്ച ഉച്ചയ്ക്ക് 2ന് നടക്കും.
പാലാ അഗ്രിമ കർഷക മാർക്കറ്റിലാണ് പരിപാടി. റവ. ഫാ ബർക്കുമാൻസ് കുന്നുംപുറം ഉദ്ഘാടനം ചെയ്യും. റവ. ഫാ തോമസ് കിഴക്കേൽ അദ്ധ്യക്ഷത വഹിക്കും. രൂപതയുടെ എല്ലാ സ്കൂളുകളിൽ നിന്നുമുള്ള അദ്ധ്യാപക പ്രതിനിധികൾ പങ്കെടുക്കും.
