കേരള യൂത്ത് ഫ്രണ്ട് (എം) പുതുപ്പള്ളി നിയോജക മണ്ഡലം പ്രസിഡന്റായി റെനി വള്ളിക്കുന്നേലിനെ വീണ്ടും തിരഞ്ഞെടുത്തു

അയർകുന്നം: കേരള യൂത്ത് ഫ്രണ്ട് (എം) പുതുപ്പള്ളി നിയോജകമണ്ഡലം പ്രസിഡണ്ടായി റെനി വള്ളിക്കുന്നേലിനെ വീണ്ടും തിരഞ്ഞെടുത്തു. മനീഷ്  പൂവത്തുങ്കൽ ആണ് ഓഫീസ് ചാർജ് ജനറൽ സെക്രട്ടറി.

വാർഡ് തലം മുതൽ സംഘടനാ തെരഞ്ഞെടുപ്പ് സിസ്റ്റമാറ്റിക്കായി നടത്തിയശേഷമാണ് പുതുപ്പള്ളിയിൽ  നിയോജകമണ്ഡലം തിരഞ്ഞെടുപ്പ് നടന്നത്. 

കേരള യൂത്ത് ഫ്രണ്ട്  (എം)പുതുപ്പള്ളി നിയോജകമണ്ഡലം പ്രസിഡണ്ടായി തിരഞ്ഞെടുക്കപ്പെട്ട റെനി വള്ളിക്കുന്നേൽ ഇടതുപക്ഷ വിദ്യാർത്ഥി യുവജന പ്രസ്ഥാനത്തിലൂടെ രാഷ്ട്രീയത്തിൽ എത്തി. 

മണർകാട് സെന്റ് മേരീസ് കോളേജ് എസ്എഫ്ഐയുടെ യൂണിറ്റ് സെക്രട്ടറിയായിരുന്നു. വിദ്യാഭ്യാസ കാലഘട്ടത്തിൽ കോളേജ് യൂണിയൻ ജനറൽ സെക്രട്ടറിയായും മഹാത്മാഗാന്ധി യൂണിവേഴ്സിറ്റി യൂണിയൻ കൗൺസിലറായും തെരഞ്ഞെടുക്കപ്പെട്ടു. 

എസ്എഫ്ഐ അയർക്കുന്നം ഏരിയ സെക്രട്ടറി, ഏരിയ പ്രസിഡൻറ്, കോട്ടയം ജില്ലാ കമ്മിറ്റി അംഗം വിദ്യാഭ്യാസത്തിന് ശേഷം ഡിവൈഎഫ്ഐ അമയന്നൂർ മേഖലാ സെക്രട്ടറി, അയർക്കുന്നം ഏരിയ പ്രസിഡൻറ്, ജില്ലാ കമ്മിറ്റി അംഗം വിപുലമായ സംഘടന ഉത്തരവാദിത്വങ്ങൾ നിർവഹിച്ചു. 

കോട്ടയം എംപി എന്ന നിലയിൽ ജോസ് കെ മാണിയുടെ പ്രവർത്തനങ്ങൾ കേരള കോൺഗ്രസിലേക്ക് റെനിയെ ആകർഷിച്ചു. 2014ൽ  ഔദ്യോഗികമായി കേരള കോൺഗ്രസ് (എം) മെമ്പർഷിപ്പെടുത്തു പാർട്ടി പ്രവർത്തനം തുടങ്ങി. കേരള യൂത്ത് ഫ്രണ്ട് (എം) അയർകുന്നം മണ്ഡലം പ്രസിഡണ്ടായി തിരഞ്ഞെടുക്കപ്പെട്ടു.

 

പാർട്ടിയുടെ അയർകുന്നം മണ്ഡലം പ്രസിഡണ്ടിന്റെ താൽക്കാലിക ചുമതല പാർട്ടി പ്രതിസന്ധി കാലഘട്ടത്തിൽ വിശ്വസിച്ചേപ്പിച്ചത് റെനി വള്ളികുന്നലിനെ ആയിരുന്നു. പിന്നീട് പാർട്ടി മണ്ടലം വർക്കിംഗ് പ്രസിഡണ്ടിന്റെ ചുമതലയേറ്റ അദ്ദേഹത്തിന്റെ നേതൃത്വത്തിലാണ് അയർക്കുന്നം മണ്ഡലത്തിൽ രണ്ടായിരത്തിൽപരം പാർട്ടി മെമ്പർഷിപ്പുകൾ ചേർത്ത്. 

കടുത്തുരുത്തിയിൽ ജനിച്ച മനീഷ് പൂവത്തുങ്കൽ പഠന ശേഷം കറുകച്ചാലിൽ ജോലിയിൽ പ്രവേശിച്ചു. മനീഷ് പാർട്ടി വൈസ് ചെയർമാൻ ഡോ. എൻ ജയരാജുമായി അടുത്ത ബന്ധം പുലർത്തി. യൂത്ത് ഫ്രണ്ട് (എം)ൽ സജീവമായി. അയർകുന്നം മണ്ഡലം സെക്രട്ടറി, പുതുപ്പള്ളി നിയോജക മണ്ഡലം വൈസ് പ്രസിഡന്റ്, ജനറൽ സെക്രട്ടറി, ജില്ലാ കമ്മിറ്റി അംഗം പാർട്ടി മണ്ഡലം സെക്രട്ടറി തുടങ്ങിയ വിപുലമായ സംഘടനാ ഉത്തരവാദിത്വങ്ങൾ ഏറ്റെടുത്തു. പുതുപ്പള്ളി നിയോജക മണ്ഡലത്തിൽ റെനിയുടെയും മനീഷിന്റെയും നേതൃത്വത്തിൽ ചിട്ടയായ സംഘടനാ പ്രവർത്തന ശൈലിയിലൂടെ കേരള യൂത്ത് ഫ്രണ്ട് (എം) കൂടുതൽ ഉയരങ്ങളിൽ എത്തുമെന്നാണ് പാർട്ടിയുടെ പ്രതീക്ഷ.