പ്രവിത്താനം: പൊതുവിദ്യാഭ്യാസവകുപ്പ്, കുട്ടികളുടെ ഐ.ടി. കൂട്ടായ്മയായ ലിറ്റിൽ കൈറ്റ്സിൻ്റെ ആഭിമുഖ്യത്തിൽ സംഘടിപ്പിക്കുന്ന 'ക്യാമ്പോണം - 2023' പ്രവിത്താനം സെൻ്റ് മൈക്കിൾസ് ഹയർ സെക്കൻ്ററി സ്കൂളിൽ നടത്തി.
സ്വതന്ത്ര സോഫ്റ്റ് വെയറുകൾ ഉപയോഗിച്ച് ലിറ്റിൽ കൈറ്റ്സ് അംഗങ്ങൾ വിവിധതരം ഡിജിറ്റൽ ഓണാഘോഷപരിപാടികൾ തയ്യാറാക്കി. സ്ക്രാച്ച് ഉപയോഗിച്ചുള്ള ചെണ്ടമേളവും പ്രോഗ്രാമിങ്ങ് അധിഷ്ഠിത പൂക്കള മത്സരവും ആനിമേഷൻ ഊഞ്ഞാലാട്ടവും വിദ്യാർത്ഥികൾക്കു നവീന ഓണാഘോഷമായി മാറി.
മഹാത്മാഗാന്ധി നാഷണൽ ഫൗണ്ടേഷൻ ചെയർമാൻ എബി ജെ ജോസ് ക്യാമ്പ് ഉദ്ഘാടനം ചെയ്തു. സ്കൂൾ ഹെഡ്മാസ്റ്റർ അജി വി ജെ അധ്യക്ഷത വഹിച്ചു.
ക്യാമ്പ് സംഘാടകരായ ജിനു ജെ വല്ലനാട്ട്, ജോജിമോൻ വട്ടപ്പലം, വിദ്യ കെ എസ് എന്നിവർ പ്രസംഗിച്ചു. ലിറ്റിൽ കൈറ്റ്സ് ട്രെയിനർ ജോളി പി ചെറിയാൻ ക്ലാസുകൾ നയിച്ചു.
.jpg)
