വിദ്യാഭ്യാസ പുരസ്കാര വിതരണം നടത്തി

മഞ്ഞപ്ര ഇന്ദിരാ ഗാന്ധി കൾച്ചറൽ ഫോറം മഞ്ഞപ്ര മണ്ഡലം കമ്മിറ്റിയുടെ നേതൃത്വത്തിൽ വിവിധ പരീക്ഷകളിൽ ഉന്നത വിജയം നേടിയവർക്കുള്ള വിദ്യാഭ്യാസ പുരസ്കാരങ്ങളുടെ വിതരണം നടത്തി.

എസ് എസ് എൽ സി, ഹയർ സെക്കൻഡറി പരീക്ഷകളിൽ ഉന്നത വിജയം നേടിയവർക്ക് ഭവന സന്ദർശനം നടത്തിയാണ് അവാർഡ് നൽകിയത്. പഞ്ചായത്ത് പരിധിയിൽ പെട്ട 13 വാർഡ്കളിൽ നിന്ന് തിരഞ്ഞെടുക്കപ്പെട്ട 25 വിദ്യാർത്ഥികൾകളെയാണ് അവാർഡും പൊന്നാടയും നല്കി ആദരിച്ചത്.

പഞ്ചായത്ത് മുൻ പ്രസിഡന്റ് ദേവസി മാടൻ, പഞ്ചായത്ത് മുൻ സ്ഥിരം സമിതി അധ്യക്ഷൻ ഡേവീസ് മണവാളൻ, ബ്ലോക്ക് പഞ്ചായത്തംഗം സരിത സുനിൽ ചാലാക്ക, ജോസൺ വി.ആൻറണി, കെ.സോമശേഖരൻ പിള്ള, ഷൈബി പാപ്പച്ചൻ, ലാലു പുളിക്കത്തറ, എം.ഇ.സെബാസ്റ്റ്യൻ, ഡേവീസ് ചൂരമന, പി.സി. ഔസേഫ് എന്നിവരുടെ നേതൃത്വത്തിലാണ് അവാർഡിന് അർഹരായവരുടെ ഭവന സന്ദർശനം നടത്തി വിദ്യാഭ്യാസ പുരസ്കാരങ്ങൾ കൈമാറിയത്.