പാലാ - തൊടുപുഴ റോഡില്‍ ഐങ്കൊമ്പിന് സമീപമുണ്ടായ ബൈക്ക് അപകടത്തില്‍ 2 പേര്‍ക്ക് പരിക്ക്. ഒരാളുടെ നില ഗുരുതരമാണ്. ഐങ്കൊമ്പ് പഴയ RPS നാട്ടുരുചി ഹോട്ടലിന് സമീപമാണ് അപകടമുണ്ടായത്. ഇന്ന് പുലര്‍ച്ചെ 7 മണിയോടെയായിരുന്നു അപകടം.
തൊടുപുഴ മണക്കാട് സ്വദേശി സുമല്‍, മടക്കത്താനം സ്വദേശി ബിബിന്‍ എന്നിവര്‍ക്കാണ് പരിക്ക്. പാലായില്‍ നിന്നും തൊടുപുഴയിലേയ്ക്ക് പോകും വഴിയാണ് അപകടം. പരിക്കേറ്റ രണ്ടു പേരെയും കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. രണ്ടു പേരും അലുമിനിയം ഫാബ്രിക്കേഷന്‍ ജോലിക്കാരാണ്.
